गणेश थापाले नेपाली फुटबलमा दुई दशक एकछत्र राज गरे, अन्तर्राष्ट्रिय फुटबल महासंघ (फिफा)ले गत नोभेम्बरमा १० वर्षका लागि प्रतिबन्धित गरेपछि उनी एन्फा छाड्न बाध्य भए । दुई दशकसम्म निरन्तर उनले नेतृत्व गर्दा नेपाली फुटबलले कुनै पनि उपाधि जित्न सकेन । नेपाली फुटबल दक्षिण एसियाली फुटबल (साफ) र सागका प्रतियोगितामा पटक–पटक चुक्यो । त्यसभन्दा माथिल्लो स्तर त नेपालले सोच्न पनि सकेन । एन्फाभित्र भ्रष्टाचार र विवाद बढ्दै जाँदा खेलाडी पनि अछुतो रहन सकेनन् । पैसाका लागि पटकपटक हारेर देशको स्वाभिमान बेचेको अभियोगमा तत्कालीन कप्तानसहित पााचजनालाई प्रहरीले गिरफ्तार गर्‍यो । उनीहरू धरौटीमा छुटे पनि विशेष अदालतमा राज्यविरुद्धको मुद्दा विचाराधीन छ । तर, दुर्भाग्यबीचको सौभाग्य, म्याच फिक्सिङको आरोपमा मुख्य खेलाडी पक्राउ परेपछि नेपाली टिममा युवा खेलाडीले स्थान पाए । ती खेलाडीले देशलाई एक महिनामा दुईवटा स्वर्णिम उपाधि दिएका छन् । 

http://www.enayapatrika.com/2016/02/54358