Posted by: metta December 24, 2015
Login in to Rate this Post:
1 
? 
Liked by
?
Liked by
लोकमानसिंह कार्की अख्तियार प्रमुख भएर आएपछि अखिल नेपाल फुटबल संघ (एन्फा) अध्यक्ष गणेश थापाले गरेको भ्रष्टाचार आरोपलाई ‘क्लिन चिट’ दिने तथा आफ्नो बहिनीमाथि परेको उजुरीमा पनि सफाइ दिनेलगायतका काम गरेर कार्कीले पनि यसको पुष्टि गरेका छन् । स्रोतका अनुसार थापालाई कार्कीले ‘क्लिन चिट’ दिने मात्र होइन थापाको अनियमितता छानबिन गर्ने अन्तर्राष्ट्रिय निकायलाई ‘अख्तियारको अनुसन्धानबाट उनले कुनै आर्थिक हिनामिना गर्ने अनियमितता नभेटिएको’ भन्ने व्यहोराको पत्रसमेत पठाइदिएका छन् । जुन उसको कार्यक्षेत्राधिकार बाहिरको काम हो ।
लोकमानले आफ्नी बहिनीको नक्कली प्रमाणपत्रमाथिको छानबिन विषयलाई पनि यसैगरी ‘ढिसमिस’ पारिदिएको बुझिएको छ । अख्तियारमा लोकमान नियुक्त हुनुभन्दा पहिले उनका बहिनी सचि कार्कीमाथि नक्कली प्रमाणपत्रको आधारमा जागिर खाएकोबारे उजुरी परेको थियो । उजुरीमाथि छानविन अघि बढाउन भन्दै अख्तियारले २०६९ मंसिर १७ गतेदेखि ३५ दिने म्याद राखेर निरन्तर तीन पटक गोरखापत्रमा सूचना प्रकाशित गरेको थियो । तर छानविन टुङ्गो नलाग्दै लोकमान अख्तियारको प्रमुख बने त्यसपछि यो त्यतिकै सेलायो ।
