असक्षम देखियो बालुवाटार

भारतले गरेको नाकाबन्दी र त्यसको विकल्प खोज्ने विषयमा प्रधानमन्त्री सुशील कोइरालाको नेतृत्व असफलजस्तै देखिएको छ । भारतले अघोषित नाकाबन्दी गरेपछि प्रमुख तीनदलले बिहीबार निर्णय गरे- भारतीय रातदूतलाई स्पष्टीकरण सोध्ने र दिल्लीमा विदेश दूत पठाउने ।

मरिचमानको जति ल्याकत देखिएन सुशील कोइरालाको

तेल आपूर्तिको विकल्प खोज्न सरकार उदासीन

११ असोज, काठमाडौं । भारतले यदि लामै समय तेल र ग्यास आउन रोक्यो भने के गर्ने ? दशैं-तिहार जस्ता ठूला चाड नजिकिएका बेला जनतामा छटपटी सुरु भइसकेको छ । तर, दुःखका साथ भन्नुपर्दा यो संकट समाधानका लागि सरकारसित कुनै कार्ययोजना छैन ।

तेस्रो मुलुकबाट इन्धन ल्याउने सम्भावनाबारे कुनै गृहकार्य नगरेको सरकारले तेल वितरणमा कोटा लगाएर तथा सवारी साधनलाई जोर-बिजोर खेलाएर काम देखाउन खोजिरहेको छ । ‘ढिलो-चाँडो भारतले नाकाबन्दी हटाउँछ’ भन्ने आशामा प्रतिक्षारत देखिन्छन् सरकार र राजनीतिक दलहरु ।

काठमाडौंबाट तेलको लाइन इन्डियाको बोर्डरसम्मै पुग्न लागेका बेला वाणिज्य तथा आपूर्ति मन्त्री सुनिल थापा सोमबारै भारत भ्रमणमा गएका छन् । तपाईं सोच्नुहोला, मन्त्री थापा नाकाबन्दी खुलाउने जोडदार पहल गर्नका लागि गएका होलान् ।

तर, यो नाकाबन्दीसित उनको भ्रमणको कुनै लेनादेना छैन । उनी पू्र्वनिर्धारित ‘साउथ एसिया इकोनोमिक कनक्लेभ’ सम्मेलनमा भाग लिन गएका हुन् । मन्त्री थापाले यसक्रममा भारतका कुनै जिम्मेवार व्यक्तिहरुसित भेटघाट गरे भने त्यो कागताली मात्रै हुनेछ ।