Posted by: cybernepali February 10, 2015
Login in to Rate this Post:
0 
? 
?
के तपाईँ वैधानिक रूपले अमेरिकामा स्थाई बसोबास का लागि आउदै हुनुहुन्छ ? आउदै हुनु हुन्छ भने तपाईँले धेरै कुराहरू आउनु भन्दा अगाडी नै ध्यान दिनु आवश्यक छ | धेरै नेपालीहरू वास्तविक जानकारीको अभावमा वा आफ्नै कमजोरी का कारण धेरै समस्यामा परेका छन् ! यस लेखको मूल आशय ती नव-आगन्तुक नेपालीहरू लाई सही बाटो देखाउनु रहेको छ !अमेरिका एउटा अपार अवसर प्रदान गर्ने मुलुक हो जहाँ व्यापक प्रजातान्त्रिक स्वतन्त्रता छ ! त्यसैले विश्वका सबै मुलुकका नागरिकहरू यस देशमा अटाएका छन् | एउटा अविकसित मुलुकबाट आएको मान्छे लाई निश्चय पनि यो अति विकसित र खुल्ला प्रजातान्त्रिक मुलुकका हरेक कुराहरू अनौठा र अबिस्श्वनीय लाग्न सक्छन् ! अत:तपाईँ डिभी वा अन्य वैधानिक बाटो बाट यो देशमा स्थाई बसोबासका लागि आउदै वा भर्खर्रै आउनु भएको भए निम्न कुरा हरुमा विशेष ध्यान दिनु होस :
क) अमेरिका आउनु अगाडी ध्यान दिनु पर्ने कुराहरू:
१) नेपालमा तपाईँ जे जस्तो हुने खाने भए पनि, सरकारी वा अन्य कार्यालयमा जे जस्तो ठुलो पदमा हुनु हुन्थ्यो त्यस लाई बिर्सनुस र मैले शून्यबाट आफ्नो ज़िन्दगी सुरु गर्नु पर्छ भने सोच बनाउनु होस !
२) आफ्नो अध्यन तथा तालिम अनुभवको सम्पूर्ण कागजात आफू सँगै लिएर आउनु होस, अमेरिकामा अध्यनको लागि यी कागजात हरुको आवश्यकता पर्छन |
३) नेपाल छोडे पछि कानुन, बोली चालीका बेबहार, काम गर्ने तौर तरिका पनि एक दमै फ़रक हुन्छन्, यसलाई ध्यान दिनु होस !
४) अमेरिकामा कानुन लाई भगवान् सरह मानिन्छ र त्यही अनुरूप सबैले पालाना गर्छन्, अत: आफ्नो सोचमा परिवर्तन गर्नु होस र अमेरिकन कानुनलाई नेपाली कानुन झैँ खेलबाड र मजाकका रूपमा कैले पनि नलिनु होस !
५) महिला, केटाकेटी र बुढा बुढी लाई सम्मान र मर्यादा राख्ने गर्नु होस !
६) जन्तु, जनावर, बोट बिरुवा लगायत प्रदूषण सम्बन्धी आफू लाई सचेत बनाउनु होस !
ख) अमेरिकामा प्रवेश गरे पछि ध्यान दिनु पर्ने कुराहरू:
१) दिनमा एक घण्टा अमेरिकाको नियम कानुन का बारेमा अध्ययन गर्नु होस,स्थानीय समाचार हेर्ने र पढने बानी गर्नु होस !
२) DV बाट आएको भए नजिकको सोसियल सेकुरिटो को कार्यालय खोजी निवेदन दिनु होस , यसका लागि जो कोइ नेपाली साथी भाइ वा आफन्तले मद्दत गर्ने छन् !
३) सोसियल सेकुरिटो नम्बर र ग्रिन कार्ड प्राप्त भए पछि छोरा छोरी भए तिनका लागि नजिक को स्कुलमा भर्नाको प्रकिया सुरु गर्नु होस।
४) नजिकको DMV कार्यालयमा परिचय पत्रको लागी निवेदन दिई परिचय पत्र बनाउनु होस !
५) आफ्नो अवस्था अनुसार आफू बसेको आसपास वा बसको सुविधा भएको स्थानमा काम खोज्नु होस र जे जस्तो काम पाइन्छ काम सुरु गर्नु होस!
६) साथी भाइ आफन्तजनकोमा अस्थाई बसोबास गरेको भए भरसक अलग बस्नु होस, आफू आत्मनिर्भर हुने कोसिस गर्नु होस !
७) सुरुमा यातायातको कठिनाइ हुन्छ, गाडी चलाउन सिक्नु होस र एउटा प्रयोग भएको गाडी सस्तोमा किनेर मितव्ययी हुनु होस !
८) नेपाली समुदायले अनेकौ सङ्गठन खोलेका छन्, ख्याल गरेर मात्र ती सङ्गठनमा आबद्द हुनु होस ! अमेरिकामा नेपाली राजनीतिको कुनै अस्तित्व छैन यो कुरालाई ख़्याल गरी कसैको बहकाउमा नलाग्नु होस !
९) आफ्नो काममा ध्यान दिनु होस, अर्काको प्रगति, गाडी र बंगला देखेर आफ्नो मन न खुम्च्याउनु होस ! तपाईँ जस्तै अरूले पनि त्यस्तै दुख गरेर आफ्नो प्रगति गरेका हुन् यो कुरा ध्यान दिनुहोस !
१०) आफू आर्थिक रूपले सक्षम नहुन्जेल वा भरपर्दो कमाइको आधार नहुन्जेल घरमा लगानी नगर्नु होस ! तपाईँलाई सुरु मै घर किन्न सल्लाहा दिनेहरू प्रसस्तै हुने छन्, यसमा सचेत हुनु होस !
११) आफू लगायत परिवारको लागी मेडिकल ईन्सुरेन्स गराउनु होस । यसका लागी कम आम्दानी भएकाले अधिकतम सुविधा पाउने हुँदा नजिकको काउन्टी अफिसमा सल्लाह लिनु होस !
१२) प्रत्येक वर्ष आय कर तिर्न नभुल्नु होस ! यो अनिवार्य छ !
१३) तपाईँलाई उच्च शिक्षाको लागी आफू बसेको स्टेटमा एक वर्ष बसी कर तिरेको भए सरकारी अनुदान प्राप्त गर्न सहज हुन्छ, यो कुरालाई ध्यानमा राखी आफ्नो पढ़ाई सुरु गर्नु होस ! यहॉ नपढी राम्रो जागिर पाउन कठिन छ !
१४) यो देशमा मेहनत नगरी खान पुग्दैन ! तपाईँलाई विविध कारणले चिन्ता र पिरले सताउन सक्दछ ! यसलाई सामान्य रूपमा लिई चिन्ता नगर्नु होस र आफूलाई शारीरिक रूपमा तन्दुरूस्ती राख्नु होस ! यसका लागी नियमित योगा तथा अन्य व्यायाममा आफ्नो समय छुट्याउनु होस !
यदि तपाईँ नेपालमा आर्थिक रूपले सम्पन्न हुनु हुन्छ, पढ़ाई पुरा गरी आफ्नो पेसामा पहिचान बनाई रहनु भएको छ वा पूर्ण रूपमा स्थापित भै सक्नु भएको छ वा उमेर ढल्कदैछ भने अमेरिका तपाईँको लागी स्थाई बसोबास गर्ने भरपर्दो थलो भने हुने छैन !