चर्चमा बन्धक बनाइएका १३ बालकको उद्दार

ध्रुब भट्टराई

३० जेठ, मोरङ । चर्चमा बन्धक बनाएको अवस्थामा मोरङको कशेनी-३ चोराभाराबाट १३ जना बालकको उद्दार गरिएको छ । जिल्ला प्रशासन कार्यालय र राष्ट्रिय मानवअधिकार आयोगको संयुक्त टोलीले ३ वर्षदेखि १३ वर्षसम्मका बालकहरुलाई चर्चबाट  जुम्ला ३ सहित  १३ जना बालकको उद्दार गरिएको हो ।

उद्दार गरिएका ती बालकहरु जुम्लाका रहेको मोरङका सहायक प्रमुअ जिल्ला अधिकारी प्रेमप्रसाद लुइँटेलले बताए । ‘चर्चमा भोकभोकै राखेको अवस्थामा बालकहरुको उद्दार गरिएको हो’, सहायक प्रजिअ लुइँटेलले भने, ‘चर्चका सञ्चालकले उनीहरुको स्वास्थ्यमा खेलबाड गर्दै थुनेर राखेको अवस्थामा पाइयो, बालकहरुको स्वास्थ्य विग्रेको पाइएको छ ।’

बन्धक बनाइएका बालकहरुसहित चर्चका धर्मगुरु जोसफ मेरन्डीलाई पनि गिरफ्तार गरिएको छ । ‘बालकहरुलाई बन्धक बनाउने मेरन्डीमाथि शरीर बन्धक बनाएको अभियोगमा मुद्दाप्रक्रिया अघि बढाउनेछौं’, लुइँटेलले भने, ‘बालकहरुलाई चर्चमा बन्धक बनाइएको कारणबारे अनुसन्धान भइरहेको छ ।’

प्रारम्भिक अनुसन्धानबाट ती बालकहरुलाई कर्णालीबाट अभिभावकको अनुमतिविनै ल्याएको प्रशासनले जनाएको छ । उद्दार गरिएका बालकहरुलाई मानवअधिकारबादी संस्थाहरुको जिम्मा लगाउने तयारी प्रशासनले गरेको छ ।