चर्चित हलिउड गायिका एवं नायिका सेलेना गोमेज सुटुक्क नेपाल आएकी छिन् ।  संयुक्त राष्ट्रसंघीय निकाय युनेस्कोको सदभावना दूतका रुपमा उनी नेपाल आएको खवर सामाजिक संजाल ट्वीटरमा यतिबेला भाइरल बनेको छ ।

उनले आफ्नो ट्विटर पेजमा यसबारेमा कुनै आधिकारीक जानकारी दिएकी छैनन् । तर उनका फ्यानहरुले भने नेपालको एयरपोर्टदेखि भक्तपुरमा केही महिलासँग खिचेका तस्बिर सार्वजनिक गरेका छन् । यसपश्चात सेलेना नेपाल आएको पुष्टी भएको हो । यसलगतै विश्वभरबाट यस बिषयमा ट्विटको बर्षा भएको छ ।

उनीसम्बन्धी समाचार संग्रह गर्ने ट्वीटर अकाउन्टले उनी नेपाल आएर द्वारिका होटलमा बसेर फर्किइसकेको जनाएको भएपनि उनलाइ नेपालमा निम्तो गर्ने युनेस्को सूत्रले भने उनी नेपालमै रहेको र शुक्रबारमात्र फर्किने बताएको छ ।

युनेस्को सूत्रकाअनुसार उनी कोरियन एयरको बिमानबाट सोमबार अपरान्ह काठमान्डु अाएकी थिइन् । सोही दिन भक्तपुर पुगेकी सेलेना मंगलबार बिहान बुद्द एयरमार्फत् नेपालगंज हुँदै बर्दिया पुगेकी थिइन।

बिहीबार राजधानी अाएपछि उनी शुक्रबार फर्किने कार्यक्रम रहेको बताइएको छ । उनको साथमा गायिका एस्ले कोल पनि नेपाल अाएको बताइएको छ ।

१७ बर्षको उमेरमा युनेस्कोको सदभानादूत बनेकी २१ बर्षिया सेलेना सवैभन्दा कम उमेरको दूत हुन् ।