चौतारीमा जमेको देखेर ढुंगा भनि ठानिन् उनले
ढुंगालाइ तेही भगवान मानी पुजा गरिन् उनले

पहाड फोडी झरेको देखेर झरना भनि मानिन् उनले
धमिलो पानि स्वच्छ मानि प्यास मेटिन् उनले

चर्किएको घैलो देखेर माया रसाएको भनि भनिन् उनले
आँशुको सिरेटो आफ्नो मानि  निश्छल मुस्कान रेटीन् उनले

खरानी संसार देखेर जलेको भाग्य भनि गनिन् उनले
खरानी तेही मल मानि अर्को रोपाईं गरिन् उनले

उध्रिएको भूत फाटेको आज देखेर संवेग बन्द गरिन् उनले
साहस-धैर्य शक्ति मानि नयाँ भोलि उनिन् उनले

- थाहा छैन