अमेरिकाको अलबामा राज्यको मोवाइल भन्ने ठाउँमा ग्यास स्टेशनमा काम गर्ने २५ वर्षिय सुजन शाक्यको नचिनेका मान्छेको समूहले गोली हानी हत्या गरेको उहाँका दाजु सुदीप शाक्यले जानकारी दिनुभयो ।

अर्का गोली लागि घाइते भएका ललितपुर गावाहालका रोजिन मुल्मीको अमेरिकामै उपचार भइरहेको छ । उहाँहरु बस्दै आएको कोठाको ढोका फोरी, विजुलीको लाइन काटेर आक्रमण भएको सुदीपले जानकारी दिनुभयो ।

लुटेराहरुले उहाँहरुको साथमा रहेको २ हजार अमेरिकी डलर पनि लुटेर लगेका छन् । डिभी परेर अमेरिका पुगेका सुजन साढे २ वर्षदेखि अमेरिकामा बस्दै आउनु भएको थियो ।