काठमाडौं, जेष्ठ १० - जातीय सदभाव कायम गर्न तथा समयमै संविधान माग गर्दै राजधानीको दरबारमार्गमा सद्‍भाव सभा गरिएको छ । नेपाल उद्योग वाणिज्य महासंघसहित एक दर्जनभन्दा बढी संघ संस्थाको सहकार्यमा सद्‍भाव सभा गरिएको हो ।

वसन्तपुरमा गर्ने भनिए पनि जनजातिहरुको सभा भएकाले सद्‍भाव सभा दरबारमार्गमा सारिएको थियो । सभामा मैनबत्ती बोकेका हजारौं सेतो टिसर्टधारीहरु दरबारमार्ग आएका थिए । सद्‍भाव सभामा गायक गायिकाले शान्ति गीत गाए ।