मेरो आँखा कमजोर छ

निकै कमजोर

नजिकको मानिस नि चिन्न गार्हो हुन्छ

अक्षर पनि राम्रोसंग बुझ्दिन

मैले बोलि पनि देख्न छोडे

आँसु ,हाँसो केहि देख्दिन

ज्योती पनि अन्धकार देख्छु

   
       “पावरफुल चस्मा” छ मेरो पनि 

ति लायेपछि सबै प्रस्ट देख्छन् चस्माले

तर मैले देख्दिन

एनामा हेर्दा पनि आँफु देख्दिन

सायद म एनामा देखिन लायक को छैन

वा, होला पावरफुल चस्माले नजिकैको देख्दैन

त्यो म जान्दिन

चस्मा फुकाले आँखा दुख्छ ,नफुकाले जीवन  दुख्छ 

तेही ,नक्कली ग्लास भएको चस्मा

फेर्न पनि नमिल्ने , आफैलाई जन्म दिने चस्मा

दुइ गलत सिसाहरुले फसाए

कठै बरी मेरा दुइ नानीहरु !

मेरा आँखाहरु अन्धा नहुन !

(जिन्दगीमा गलत आमा बाउ पाउनुको पिडा खप्न नसक्ता)