We should not be too cynical. There are also some good people left in Nepalese politics and administration and anyway we should help find the criminals and do not let them walk with their head held high.
There are some good news, in cctober 19th issue of Aarthik dainik (Aarthikdainik.com.np) and also Abhiyan.com.np and Nayapatrika.com.
For your convenience have posted the copy from Aarthikdainik.com.np
Now I think Pawan Kumar karki will find it very difficult to escape from his crime.
अमेरिकाद्वारा क्यापिटल मर्चेन्टका पवन कार्कीको ‘फिङ्गर प्रिन्ट’ माग
आर्थिक संवाददाता
काठमाडौैं, कात्तिक १
नेपालमा वित्तीय अपराध गरेर आफ्नो देशमा बस्दै आएका क्यापिटल मर्चेन्ट बैंकिङ एण्ड फाइनान्स कम्पनीका पूर्वप्रबन्धक पवनकुमार कार्कीको ‘फिङ्गर प्रिन्ट’ उपलब्ध गराइदिन अमेरिकाले काठमाडौंस्थित दूतावासमार्फत नेपाल सरकारसँग आग्रह गरेको छ ।
केही समयअघि नेपाल सरकारले कार्कीलाई पक्राउ गरेर पठाइदिन अमेरिकास्थित दूतावासमार्फत अमेरिकी सरकारसँग आग्रह गरेको थियो । नेपालको आग्रहलाई स्वीकार गर्दै अमेरिकाले ‘फिङ्गर प्रिन्ट’ उपलब्ध गराइदिन पत्र पठाएको हो । अमेरिकाले पठाएको पत्र परराष्ट्र मन्त्रालय हुँदै अर्थ मन्त्रालयमा पुगेको छ । नेपालले ‘फिङ्गर प्रिन्ट’ उपलब्ध गराएपछि पहिचान गरेर अमेरिकाले पक्राउ गरेर कार्कीलाई नेपाल पठाउनेछ । अमेरिकाले ‘फिङ्गर प्रिन्ट’ नै मागेपछि कार्कीलाई नेपाल पठाउने करिब निश्चित भएको राष्ट्र बैंकका एक अधिकारीले जानकारी दिए ।
कार्कीले १ अर्ब ४७ करोड ४९ लाख ७५ हजार रुपैयाँ ठगी गरेर नेपालबाट भागेर अमेरिका गई बसेका छन् । प्रहरीले क्यापिटलका संस्थापक अमिरजंग खड्कालाई गत असार १३ गते, सेयरधनी जानुका केसीलाई १४ गते र भरतराज पौडेललाई भदौ ४ गते पक्राउ गरेको थियो । उनीहरु साधारण तारेखमा रिहा भइसकेका छन् । तत्कालीन अध्यक्ष विज्ञानप्रसाद पौडेल, वरिष्ठ अधिकृत मनोज खनाल, राजु कार्की र हरिहर खड्का भने पुर्पक्षका लागि थुनामा छन् । उक्त वित्तीय अपराधमा प्रमुख हात पवनकुमारको देखिएपछि नेपाल राष्ट्र बैंकको अनुरोधमा अर्थले अमेरिकीसरकारसँग उनलाई पक्राउ गरेर पठाइदिन आग्रह गरेको हो ।
क्यापिटलमा कार्कीको प्रत्यक्ष १५ सहित ६० प्रतिशत सेयर रहेको छ । क्यापिटलले गरेको ऋण लगानीमध्ये अधिकांश कार्कीले नै उपभोग गरेको राष्ट्र बैंकको छानबिनले देखाएको छ । कार्की राष्ट्र बैंककै केही अधिकारीको सहयोगमा नेपालबाट भागेको स्रोतको दाबी छ । दबाब परेपछि मात्र राष्ट्र बैंकले कार्कीलाई पक्राउ गर्न आग्रह गरेको स्रोतको दाबी छ । उनलाई नेपाल ल्याएर बयान लिएपछि क्यापिटलमा क–कसले कति वित्तीय अपराध गरेको खुल्नेछ ।