भ्याट कान्डमा विवादमा आएका उपप्रधानमन्त्री तथा अर्थमन्त्री भरतमोहन अधिकारीलाई अमेरिकामा विरोधको तयारी भएको छ। अमेरिकी विदेश मन्त्रालयले आयोजना गर्ने प्राकृतिक विपत्तिसम्बन्धी कार्यक्रममा गृहमन्त्रीको प्रतिनिधित्व गर्न तथा वाणिज्य मन्त्रीको रूपमा टिफा (व्यापार तथा लगानी संरचना सम्झौता) सम्झौतामा हस्ताक्षर गर्ने र जलस्रोत नीतिसम्बन्धी एक कार्यक्रममा प्रधानमन्त्रीको प्रतिनिधित्व गर्ने कार्यक्रमका लागि अर्थमन्त्री वैशाख ४ सम्म अमेरिकामा रहने कार्यक्रम छ।
अमेरिका-नेपाल समाज (एएनएस)ले अधिकारीलाई प्रमुख अतिथि बनाई गर्न लागेको कार्यक्रमबाट असन्तुष्ट भई विरोधको तयारी भइरहेको छ। नेपाली नयाँ वर्षको अवसरमा सो कार्यक्रम अमेरिकी समय अनुसार आज दिउँसो हुन लागेको थियो। तर मौसमका कारण त्यसलाई भोलि दिउँसो १ बजेसम्मका लागि स्थगित गरिएको छ। विरोधका लागि सक्रिय रन्जन केसीका अनुसार भोलिको विरोधका लागि टिसर्ट, ब्यानर तयार पारिसकिएको छ।
Source:http://www.mysansar.com/archives/2011/04/id/18371