? 
रेग्मी भन्छन्- ‘सुजातालाई पाए तीन झापड हान्छु’
झलनाथसँग माफी नमागेको दावी
११ माघ, सुनसरी । नेकपा एमालेका अध्यक्ष झलनाथ खनाललाई झपड हानेर एकाएक चर्चामा आएका सुनसरी भरौल-१ का देवीप्रसाद रेग्मीले उपप्रधानमन्त्री एवं कांग्रेस नेतृ सुजाता कोइरालालाई तीन झाडप हान्ने चाहना देखाउनुभएको छ ।
धरौटीमा रिहा भएको भोलीपल्ट मंगलबार सञ्चारकर्मीहरुसँग कुरा गर्दै रेग्मीले भन्नुभयो- ‘देश विगारेकाले मैले खनाललाई त एक झापड मात्र हानेको हुँ । सुजाता कोइराला भएको भए तीन झापड हान्थे ।’
उहाँले झापड हानेकोमा आफुले खनालसँग माफी नमागेको पनि दावी गर्नु भयो । उहाँले भन्नुभयो-’मलाई यहाँ सही गर भनेपछि गरेको हो । त्यहाँ के लेखिएको छ मलाई थाहा छैन । भोली केही भएको अवस्थामा परिवारले खोज्न पाउने छैन भनेर लेखिएको पनि हुनसक्छ । त्यो उहाँहरुलाई नै थाहा छ ।’
रेग्मीले नेताहरुले देश विगारेकाले सबैलाई सवक सिकाउन झापड हानेको प्रष्ट पार्नुभयो । उहाँले भन्नुभयो-’मैले व्यक्तिलाई होइन,नेताहरुको चेत खुलोस भनेर झापड हानेको हुँ ।’
माघ ६ गते सुनसरीको इटहरीमा एक सार्वजनिक कार्यक्रममा एमाले अध्यक्ष खनाललाई झापड हानेका रेग्मी मंगलबार १ हजार धरौटीमा रिहा हुनु भएको थियो ।
http://www.onlinekhabar.com/2011/01/25/32552.html