Posted by: Jhilka June 23, 2010
Login in to Rate this Post:
0
?
कुनै दल संग सम्बन्धित र कुनै पूर्वाग्रहले प्रेरित भएर हैन तर एउटा साधारण नेपालीको हैसियतमा जुनसुकै कोणबाट हेरे पनि माधव नेपाल र उनको सरकार पंगु, भ्रष्ट, कार्यकुशलताहीन, असक्षम र असफल देखिन्छ| छोरीको लागि विदेशीसंग सीट माग्ने,आफ्नै भाइलाइ महाबाणिज्य दुतमा नियुक्ति दिने आदि तहामीले थाहा पाएका नीच घटनाहरु हुन्, अरु पनि होलान| त्यसको मतलब देउबा, राम चन्द्र पौडेल, आदि चोखो छन् भन्ने कदापि हैन| गिरिजा आफुलाई राष्ट्रपति नबनाएकोमा प्रचण्डप्रति रिस पोखेर रामबरण र परमानन्दलाइ माकुने संग मिलेर राष्ट्रपति र उप बनाए| परमानन्दको शपथको वाहियाती कामले सबैको समय बर्बाद पारे,सरकारको ढुकुटीबाट निष्क्रिय हुँदा पनि तलब भत्ता खाए| छोरीलाई सरकारमा नेपाली कांग्रेसको नेतृत्व गराउने सहमतिमा
माकुनेले गिरिजाबाट प्र. म. को चिट्ठा पाएको सबैलाई बिदितै छ| प्रचण्डले के घुर्की लाएर कुर्सी छाडे, राजालाई मोहोर राखेर प्र म बन्ने सपना देखेका व्यक्ति आए|
-उप प्रधान मन्त्रिहरु र मन्त्रिहरुमा एक रति भर पनि नियन्त्रण नभएको प्र म बने माकुने|
-मन्त्रिले सीडीओ माथि हातपात गर्दा कुनै एक्सन लिएनन|
-जो मन्त्रि पनि अनर्थमा विदेश भ्रमण जान मात्रै खोज्दा रोक्न सकेनन|
-सुजाता उप प्र.म. नदिंदा ठुस्केर प्र. म. संग भारत् भ्रमण नजाँदा पनि एक्सन नलिएर निरीह बने| आफ्नो पद खुस्केला भनेर बरु तुरन्त उप प्र म दिए सुजातालाई| हरुवाले हरुवालाई बढुवा गरे|
-कोपेंनहेगनमा नचाहिँदो टोली लगेर सरकारी ढुकुटीको दुरुपयोग गरे|
-धमलाकाण्डलाइ कसरी धुएर पवित्र बनाए सो जनताले देखेकै हो|
-सुपारी खोज्न गएकी निरस्त्र दलित दिदिबैनीलाइ सेनाले मार्दा प्र म मौन रहे, अझ बिद्या भण्डारीको झुठो बयान साँचो माने|
-गणतन्त्रको मान पदवी बबाल गरे| प्र म भएर उनलाई थाहा भएन 'रे|
-मानव अधिकार अवज्ञा गर्ने सेनाका अधिकृतहरुलाई बहाली र बढुवा गरे|
लिस्ट लामो छ| देशलाई खालि शर्म मात्र थुपार्ने माधव नेपालको अलिकति पनि नैतिकता बचेको भए तुरन्त राजिनामा दिनपर्छ| त्यतिले मात्र पुग्दैन, भविष्यमा पनि कुनै सरकारी पदको लागि अयोग्य घोषीत गरिनु पर्छ|
विश्वमा न कुनै यस्तो मुलुक छ वा कुनै व्यक्ति, जो लोकतान्त्रिक चुनावमा दुइ ठाउँ बाट हारेका छन् र जनादेश नपाइ मुलुकको प्रधान मन्त्रि भएका छन्| अझ थप के भने प्रधान मन्त्रि भएर पनि त्यस्ता व्यक्ति मुलुकलाई बिकाश गर्नु सट्टा
संहारको पथमा लगाएका छन्|
यी कुराहरु बुझ्न र भन्न फलाना जात, ढिस्का पार्टी, मित्र वा शत्रु, आरिसे वा गरिखान नदिने र नातेदार हुन पर्छ भन्ने छैन|साधारण नेपाली भए पुग्छ र त्यही सोचेर यति पोखेको हुँ|