समय: पुसको बिहानी (बिहान भातै खाने समय हो हुन त)

स्थान: टोलको कर्नर पसलबाहिर राखिएको बेन्च।

जनसंख्या: तीन जना अल्लारे मित्रहरु।

(चि चु मा व्यस्त छन्। यो बिहान देखिको पाचौँ चि हो र शायद एघारौँ चु। प्राय सबैको घरमा छोराको बानि थाहा भैसकेर सबैले भात बजाई सकेका छन्। यिनिहरुलाई हतार छैन।)

गोठाले- (लामो सर्को तान्दै) " ठिक भनिस् यार रिट्ठे, यहाँ बसेर केहि हुन्न सडेर मरिन्छ। मुला हर्के अमेरिका पुगेर के के गरिसक्यो। डिपार्टमेन्ट स्टोरमा काम गर्छ रे, कार किनिसक्यो रे!"

रिट्ठे- (चियाको कपमाथि लागेको तर औँलाले झिकेर फाल्दै एक चुस्कि लगाउँछ र लामो सर्को तानेर गम्भिर मुद्रामा) " त्यहि त मुला, आफ्नो त सुड्डाले सुको 'डो' झिक्दैन, खालि सोमहरुको भिसा इन्टरभ्यूको दिन पानीपोखरी गयो, बाहिरा चि चु गर्दै कुर्यो बस्यो, घिरौँला जस्तो जिन्दगी यार!"

रामे- (सकिएको चुरोटको ठुटो भुईँमा फालेर कुर्कुच्चाले मिच्दै, नजिकै पुछ्छर हल्लाउँदै आएको भुस्याहा कुकुरलाई हावामै एक लात हानेर भगाउँदै) " एक पटक यो मरेको देश छोड्न  मात्र पर्छ मुला जिन्दगीभर फर्केर पनि आउँदिन थेँ!"

गोठाले-" ओ रामे तेरो त गर्लफ्रेन्ड छ नि मुला छाड्छस कि के हो अमेरिका पुगेपछि?"

रामे- "मुला अमेरिका पुगेपछि पैसा साला त कति कति, गोरिहरु जस्तो भन्यो उस्तै पटिन्छन् मुला फ्रि कन्ट्रि हो नि, यहाँ मुला एउटा गर्लफ्रेन्ड पट्टाऊन नाटक गर्न पर्ने!"

***********(पाँच वर्ष पछि, सेलफोनमा कन्फरेन्स कलमा)*************

गोठाले-" के हुनु  खत्तम छ तिमेरको सुना!"

रामे- " यो सेमेस्टरमा युनिभर्सिटि जाम भन्या पैसै पुग्या छैन यार!"

रिट्ठे- " त्यहि त घिरौँला जस्तो जिन्दगी यार, ग्र्याजुएट त हुन पर्ने हो।"

गोठाले-" मेरो नि मुला के राम्रो छ र, बल्ल युनिभर्सिटि चाहिँ छिर्या हो, त्यै पनि यो सेमेस्टरको पैसा बुझाउँदा ब्याङ्कमा ओभरड्राफ्ट हान्यो! अब घन्टा हान्ने कि क्लास जाने!"

रामे-" ओइ ठिटा हो मलाई तिन हजार जति 'डो' पठाईदेन यार, मेरो गाडि टोटल भए देखि र्याग भैरा छ!"

रिट्ठे- "मुला पहिले नै भन्या हैन, टेक्ससमा नबस् भनेर, अब देखिस हैन! तेरो साऊ हबिब भाई सित माग् न मुला, आफ्नै भाई जस्तो गर्छ भनेर खोक्दै थिस त!"

रामे- " त्यसले दिएको दियै हो यार! दिक्क लाग्छ, उमेर यत्रो भैसक्यो ग्र्याजुएट भा छैन, मुला बिहे गर्ने उमेरि नि भा छ।"

गोठाले-" तेरो त गर्लफ्रेन्ड छ नि नेपालमा! बोला' न यता!"

रामे- "कुरा नगर् यार्, यता आउनासाथ फोनबाट ब्रेकअप दिएँ यार, अमेरिका के के न होला भनेर!

गोठाले- " मेरो घरमा बिहे गर्न आईज भन्दैछन्। मैले त मुला ग्र्याजुएट भैसकेँ भनेर भन्या छ नि घरमा!"

रिट्ठे- " मेरो नि उस्तै छ यार, घरबाट पैसा पठा भन्छन् पैसा त अब चोरेर पठाए मात्र हो!"

रामे- "ओई केटा हो, मेरो मिनट छैन यार फोन मा मा राति ककुरा गर्छु ल?"

रिट्ठे- " ल मुला मेरो नि काममा जानु छ, १४ घन्टा स्ट्रेट हान्नु छ म नि गएँ!"

गोठाले- " ल त ल , तर हिम्मत नहार है केटा हो , नेपाल गएर चि चु गर्दै गफ गर्न पर्छ यो समरमा!"

रामे- " ल बाई!"

जदौ! यो बिर्खे माईलाको!

धन्यवाद्!