[Disallowed String for -
[Disallowed String for -
[Disallowed String for -
२७ पुस, महेन्द्रनगर । एकीकृत नेकपा माओवादीका अध्यक्ष प्रचण्डले सेनापति प्रकरणमा आफु झुकेको भए बाचुन्जेल प्रधानमन्त्री बनाइदिने प्रस्ताव आएको दावी गर्नुभएको छ ।
‘कुर्सीको निम्ति यदि मैले अलिकति झुक्न चाहेको भए’- प्रचण्डले भन्नुभयो- आज म बडो इमान्दारिताका साथ भन्छु, मैले बाँचुन्जेल प्रधानमन्त्री पाएको थिएँ, यो सत्य हो ।’ बाँचुन्जेल प्रधानमन्त्रीको अफरलाई त्यागेर आफु जनतामाझ आएको भन्दै प्रचण्डले भन्नुभयो- नेपाली जनता र राष्ट्रियता प्रधानमन्त्रीको कुर्सीभन्दा धेरै ठूलो ठानेँ र तपाईको काखमा आउने कुरालाई धेरै ठूलो ठानेँ ।’ सुगौली सन्धीपछि नेपाल अर्धउपनिवेशमा परिणत भएको दोहोराउँदै प्रचण्डले नेपालका दल र यहाँका शक्ति आकाशबाणीबाट चलेको बताउनुभयो । आफुलाई बाँचुन्जेल प्रधानमन्त्री बनाउने प्रस्ताव कोबाट आएको थियो भन्नेबारे प्रचण्डले किटानी गर्नुभएन् ।
‘आन्दोलन भारतविरुद्ध होइन’
अध्यक्ष प्रचण्डले भारतमा अंग्रेजहरुको शासन समाप्त भएपनि अंग्रेजसंग भएका असमान सन्धीहरु भने कायम नै रहेको भन्दै सुगौली सन्धी लगायतका असमान सन्धी खारेजीको माग गर्नुभयो ।
कैलाली र कञ्चनपुरमा मात्रै १० हजार भन्दाबढी हेक्टर जमिन भारतले अतिक्रमण गरेको दावी गर्दै आफूहरु भारतको एक इन्च पनि जमीन नलिने र नेपालको एक इन्चपनि जमिन नदिने बताउनुभयो ।
भारतसंग गण्डक, महाकाली, कोशी, जलस्रोत, व्यापार परावहनबाट ठगिएको भन्दै प्रचण्डले भन्नुभयो-’२१ औं शताब्दीमा समानता चाहन्छौ, ठूलो दाई र सानो भाईको जस्तो व्यवहार होइन ।’ नेपाली राजनीतिमा आकाशवाणीको प्रभाव रहेको पटक पटक दोहोराएका प्रचण्डले आफुले भारतलाई उत्तेजित पार्न वा युद्ध गर्न नखोजेको बरु असमान सन्धी सम्झौता सच्चाउन खोजेको बताउनुभयो ।
’नेपाल एकीकरण जरुरी थियो’
यसैवीच प्रचण्डले तत्कालीन समयमा पृथ्वीनारायण शाहले नेपाल एकीकरण गर्नु जरुरी रहेको बताउनुभएको छ । अध्यक्ष प्रचण्डले अंग्रेजहरुको अतिक्रमणलाई रोक्न पनि नेपाल एकीकरण अत्यावश्यक रहेको दावी गर्नुभयो ।
पुस २७ गते नै पृथ्वी जयन्ती परेको र सोही दिन माओवादीले स्वाधिनताका लागि माओवादीले आन्दोलन थालेको भन्दै प्रचण्डले पृथ्वीनारायण शाहको प्रशंसा गर्नुभयो । आफुले दशबर्ष जनताका पक्षमा लडेको भन्दै प्रचण्डले शाहले पनि जनताका बीचमा गएर जनतालाई नै संगठित गरि युद्ध गरेको दावी गर्नुभयो । बहादुर शाहसम्म पनि शाह राजाहरु राम्रा रहेको भन्दै उहाँले सुगौली सन्धीमार्फत आत्मसर्मपण गरिएको र राजाहरु सुखसयलमा हराउन थालेको टिप्पणी गुर्नभयो । ‘पृथ्वीनारायण शाह भएका भए सुगौली जस्तो राष्ट्रघाती सन्धी होइन, अंग्रेजलाई लखेटेर दिल्लीमा पुर्याउने थिए ।’
राजा बीरेन्द्र पनि राष्ट्रवादी भएको उनलाई राष्ट्रपति बनाउन माओवादी तयार रहेको र भेटने कार्यक्रम पनि तय भएको भन्दै प्रचण्डले दरवार हत्याकाण्डलाई आधुनिक कोतपर्वको संज्ञा दिनुभयो । मदन भण्डारीमा पनि मुलुक जोगाउने राम्रो स्पिरीट रहेको भन्दै प्रचण्डले पार्टी एकता र स्वाधिनताका लागि छलफल तय भएपनि भेटअघि नै उनी मारिएको दावी गर्नुभयो ।
सुरक्षाकर्मीहरुलाई आग्रह
अध्यक्ष प्रचण्डले राष्ट्रिय स्वाधीनता खतरामा रहेको भन्दै त्यसका रक्षाका लागि सेना, शसस्त्र प्रहरी र जनपथ प्रहरीलाई सहयोग गर्न आग्रह गर्नुभयो ।
‘तपाईले बोक्ने बन्दुक भारतबाट आउँछ होला, चढने गाडी पनि भारतबाटै आउँछ होला र लगाउने कपडा पनि उतैबाट आउँछ होला’- प्रचण्डले भन्नुभयो- ‘जन्मदिने आमाप्रति वफादार हुनेकि, जन्मदिने आमाको अस्तित्व लुट्नेको रक्षाका लागि वफादार हुने ?
‘माधव नेपालको खुट्टी देखेर पत्याइयो’
माओवादीको हालतपनि श्रीलङ्काको लिट्टेजस्तै हुने प्रधानमन्त्रीको अभिब्यक्तिप्रति प्रच्ण्डले आक्रोश ब्यक्त गर्नुभयो । प्रचण्डको प्रतिक्रिया थियो-’खुट्टी देखाएरै पत्याईयो ।’ प्रधानमन्त्री नेपालले केहि समय अघि चितवनमा माओवादी लिट्टे जस्तै पतन हुने चेतावनी दिनुभएको थियो । अध्यक्ष प्रचण्डले राष्ट्रिय स्वाधीनता, नागरिक सर्वोच्चता, शान्ति, संविधानका लागि सबै देशभक्ती शक्तिहरु एकजुट भएर अघि बढ्नुपर्ने बताउनुभयो ।
आफूहरुले पटक पटक नागरिक सर्वोच्चताका लागि समस्य समाधान गर्न वार्ता गरेपनि रोवर्टबाट चलेको कठपुतली सरकारले नसुनेपछि कठपुतली नचाउनेसंग वार्ता गर्नका लागि राष्ट्रिय स्वाधीनताको मुद्धा अघि सारिएको बताउनुभयो । राजनीतिक दलका नेताले बिदेशी भत्ता खाइरहेको भन्दै प्रचण्डले भन्नुभयो- पछिलाई पनि चाहिन्छ अहिले सवै नभनौं । कुन कुन नेताले कुन देशबाट कति भत्ता खाइरहेका त्यसको पनि सार्बजनिक गर्ने प्रचण्डले दावी गर्नुभयो ।
देशभक्ति शाक्तिहरु एकजुट भएमात्र राष्ट्रिय स्वाधीनताको लडाई सजिलै जितिने उहाँले बताउनुभयो ।
चौथो चरणको आन्दोलनअन्तर्गत माओवादी आजै सुस्ता, पशुपतिनगर र लक्ष्मणपुरमा बिरोध सभाको आयोजना गरेको छ । जसमा उपाध्यक्षहरु बाबुराम भट्टराई, मोहन बैद्य र नारायणकाजी श्रेष्ठले सम्बोधन गरे ।
सुन्नुहोस्ः प्रचण्डको सम्बोधनका सम्पादित अंश
[Disallowed String for -
var WT1_1 = {
params : {
wmode : "opaque",
allowscriptaccess : "always",
allownetworking : "all"},
flashvars : {
file : "http%3A%2F%2Fwww.onlinekhabar.com%2Fwp%2Fwp-content%2Fuploads%2F2010%2F01%2Fprachandafinal.mp3",
volume : "80",
bufferlength : "5",
quality : "false",
title : "%E0%A4%B8%E0%A5%81%E0%A4%A8%E0%A5%8D%E0%A4%A8%E0%A5%81%E0%A4%B9%E0%A5%8B%E0%A4%B8%E0%A4%83%20%E0%A4%A7%E0%A4%A8%E0%A4%97%E0%A4%A2%E0%A5%80%E0%A4%AE%E0%A4%BE%20%E0%A4%B8%E0%A4%AE%E0%A5%8D%E0%A4%AC%E0%A5%8B%E0%A4%A7%E0%A4%A8%20%E0%A4%97%E0%A4%B0%E0%A5%8D%E0%A4%A6%E0%A5%88%20%E0%A4%AE%E0%A4%BE%E0%A4%93%E0%A4%B5%E0%A4%BE%E0%A4%A6%E0%A5%80%20%E0%A4%85%E0%A4%A7%E0%A5%8D%E0%A4%AF%E0%A4%95%E0%A5%8D%E0%A4%B7%20%E0%A4%AA%E0%A5%8D%E0%A4%B0%E0%A4%9A%E0%A4%A3%E0%A5%8D%E0%A4%A1",
linktarget : "_self"},
attr : {
id : "WT1",
name : "WT1"},
start : function() {
swfobject.embedSWF("http://www.onlinekhabar.com/wp/wp-content/plugins/wordtube/player.swf", "WT1_1", "320", "240", "9.0.0", false, this.flashvars, this.params , this.attr );
}
}
WT1_1.start();