दुई गजल

 

  सीमाना मेटिदैछ

 

                  राकेश कार्की

                  लस् एन्जेलस्

 

  

दुर्भाग्य सिमाना मेटिदै छ

नेपालको गला रेटिदै छ

 

नेपाली अनुहार हराउँदै छ

विदेशी अनुहार भेटिदै छ

 

देश तिनतिरबाट पेलिदै छ

चंगा झैँ दशगजा चेटिदै छ

 

बैमानी राष्ट्रले हल्लाउँदै छ

सानो यो मुलुक फेटिदै छ

 

आउ अब भिडौँ

 

आउ अब भिडौँ थिच्ने संग

हाम्रो सिमाना मिच्ने संग

 

ए राप्रपा, नेमकिपा, जनमोर्चा

खोस्दै उसको देश सिच्ने संग

 

ए माओवादी, फोरम, तमलोपा

नेपाली मुटु किच्ने संग

 

ए सदभावना, काँग्रेस, एमाले

नेपालीको रगत घिच्ने संग

 

आउ अब भिडौँ थिच्ने संग

हाम्रो सिमाना मिच्ने संग