चक्काजामका कारण सदरमुकाम गौर जाने र आउने सवारी साधन चल्न नसक्दा यात्रुहरू समयमै गन्तव्यमा पुग्नबाट वञ्चित बनेका छन्। उनीहरूले छोरी झिकाइदिन र केटालाई कारबाही हुनुपर्ने माग राख्दै चक्काजाम गरेका हुन्।

गत ६ गते शनिबार जिगडिया गाविस-२ बस्ने शेष ठगाका २० वषीय छोरा नौसाद आलमले सोही गाविस-३ बस्ने जयम•ल मण्डलकी छोरी रञ्जु मण्डललाई प्रेमविवाह गरेर भगाएपछि छोरीपक्षका परिवारजन र आफन्तले दुइ दिनपछि सोमबार बिहानैदेखि चक्काजाम गरेका हुन्। यी दुबैले अन्तरजातीय प्रेमविवाह गरेका हुन्। तर्राईमा प्रायः अन्तरजातीय विवाह गरेका नवजोडीलाई घरपरिवार र आफन्तले विवाह अस्वीकार गर्ने र छुटाउने प्रचलन बढ्दो रहेको छ।

छोरी भागेपछि गएको आइतबार बुबा जयमङ्गल मण्डलले इलाका प्रहरी कार्यालय गरुडामा छोरीलाई केटाले ललाइफकाइ लगेकोले खोजतलास र कारबाही गरिपाउँ भनी निवेदन दिएका छन्। चक्काजामका पक्षधरहरूले केटी फेला नपरेसम्म चक्काजाम जारिराख्ने बताएका छन्। प्रहरी निरीक्षक शिव शर्मा आचार्यले निवेदनको आधारमा खोजबिनको लागि पत्राचार गरी खोजतलास गरिरहेको बताए।