'संविधानमा जलवायु परिवर्तन र पानी व्यवस्थापन' विषयक कार्यक्रमका वक्ताले त्यस्तो सुझाव दिएका हुन् ।

कार्यक्रममा
वातावरण, विज्ञान तथा प्रविधिमन्त्री गणेश साहले नयाँ संविधानमा स्वच्छ
पिउने पानी र स्वच्छ वातावरणबारे प्रचार गर्न गएको सातादेखि नै अभियान
थालेको बताए । उनले भने, 'भोलिको नेपाल समृद्ध बनाउने हो भने, स्वच्छ
पिउने पानीमा जोड दिनुपर्छ ।'

वनमन्त्री
किरण गुरुङले वातावरण सुधारका लागि रूख रोप्ने अभियान थालिने जनाए । उनले
नेपालको सामुदायिक वन विश्वभरि नमुना भएकाले त्यसको बौद्धिक अधिकार खोज्न
मन्त्रालयले आगामी महिना अमेरिकामा हुने 'वन सम्मेलन' मा पहल गर्ने बताए ।
वन सचिव उदयराज शर्माले मुलुकमा देखिएका वातावरणीय समस्या समाधान गर्न
सबैको पहल आवश्यक पर्ने बताए ।