Posted by: sprakashp February 22, 2009
Login in to Rate this Post:
0
?
फूलको मौनता
शिव प्रकाश
मौन छ फूल
फूलको मौनताभित्र
सुन्दरता छ
सुन्दरताभित्र
मादकता छ
तर फूल कागजको पनि हुन्छ ।
निश्छल छ फूल
फूलको निश्छलताभित्र
प्रतीक छ प्रेमको
उपमा छ आत्मीयताको
वैभव छ विश्वासको
तर फूलभित्र काँडा पनि हुन्छ ।
फूलको विषेशता –
सुन्दरता र मादकता
प्रेम र आत्मीयता
निश्छलता र कोमलता
तर फूलको धारले
मन रेटिएको पनि हुन्छ ।
सृष्टिको सुन्दर उपहार हो, फूल !
त्यसैले फूल, फूल हो
तर फूल, फूलमात्र हैन
सृष्टिको अथवा दृष्टिको
एउटा भूल पनि हो, फूल ...!
मौन छ सधै मादक फूल… !
बोस्टन, अमेरिका 02-15-09