काठमाडौ, असोज २५,अक्टोवर ११/ दुइ साताअघि अमेरिकामा हत्या गरिएका अशोक भट्टराईको आज पशुपति आर्यघाटमा अन्तिमसंस्कार गरियो । नवलपरासीको रामग्राम नगरपालिका वडा नम्बर ३ परासी बजारमा स्थायी घरभएका भट्टराई दुइ वर्ष अघि अध्ययनको शिलसिलामा अमेरिका पुगेका थिए ।

अमेरिकाको हयूस्टन शहरको कम्युनिटी कलेजमा पढिरहेका अशोक पढाई खर्च धान्नका लागि एउटा डिपार्टमेन्टल स्टोरमा काम गरिरहेको समयमा केहि काला जातीका अमेरिकन नागरिकले डिपार्टमेन्टल स्टोरमा प्रवेशगरी गोलिप्रहार गरेका थिए ।

हत्या भएको बाह्रौ दिन वितिसक्दा पनि परराष्ट्र मन्त्रालय र अमेरिकास्थित नेपाली दुतावासले शव ल्याउने प्रयास नगरेकोमा परिवारजनले आक्रोश पोखेका छन् । भट्टराईको शव हिजो साँझ नेपाल ल्याइएको थियो ।

प्रकाशित मिति: 2008-10-11- 12:14