(not for those who have already read "बिजया दशमीको शुभकामना " by Regal )
दुई दिनको रेलयात्रा र अर्को एक दिनको बसयात्रा गर्दा पनि घर पुग्न अझै एउटा लास्ट बस फेर्न बाँकी नै थियो । बसपारकमा भने बस अघिनै ठेलाठेल पैक भैसकेछ । ढोकामा समेत झुन्डिन भ्याइसकेका अस्सत्तिहरुले । झन कतिबेला घर पुगम्ला भन्ने भा बेलामा खुट्टो टेक्ने ठाउँसम्म पनि नहुनु त । थुक्क !
"ह्या दाई पनि ! अली हेरेर त थुक्नु पर्छ नी । " एउटा मरन्च्यासे अघिलतिरबाट आउँदैरैछ "झन्डै खुट्टामा परेको " नपर्दै त एस्तो छ, पर्या भए त झन के भन्दो हो । " साच्ची दाई कहाँसम्मा पुग्नु पर्ने हो, बाटो एउटै पर्ने भए सँगै जाउँ के रे दुई भाई " मेरो शक अब येकिनमा परिणत भो । कुरा बुझ्दै जाँदा उु त्यही "यात्री कोच"को खलासी रहेछ ।
पहाडको ग्र्यावेल बाटो, तेसमाथि नागबेली मोडहरु अनी यो धूप । खतरा त खतरै थियो तर गाडीवालाको लागी चाहीँ यात्रु नै ठुला खतरा मानिन्छन हाम्रो गाउँतिर । आफु मर्न भन्दा नी गाडीवलालाई मारिदिने के । छतमा खान मिल्ने मात्र होइन आफुलाई कामै नलाग्ने चिजको पनि दाइँ खेलिदिने । उसो त एक पटक हामी दौतर मिलेर पनि कुन्नी कस्को हो एक पेटी स्याउ स्वहा पारीदिएका थियौँ । केटाहरुले त आधा जती हरियो मटरको पनि भतेर गरेर पाक्या टमटरले गुना बाँदरलाई फाएरिङ गर्या हुन । त्यस्तै भएर गाडीवालाहरु हामीलाई छतमा पठाउन सित्तिमिती मान्दैनथे तर भित्र उम्सोमा गुम्सिनु भन्दा छतमै छिल्लिनु प्यारो आफुलाई चाहिँ । "छतमै जानेर दाई, बाटो एस्तो छ ।" खलासिले कुरो खलास पार्न खोज्यो । सकी नसकी खोक्दै कन्दै बस भनाउदो अगाडि बढ्यो । हरिया धानको फाँट, चराकोसे झाडी, सिसौ-गाब्-सालको जङल हुँदै सल्लघारी अैपुग्दा बल्ल चिसो हावा चल्यो । मिठो बतास र घर पुग्ने हतासले मनमा के के याद ताजा भएर आए । अहिले मेरो घरका मान्छे के गर्दै होलान । घर कस्तो छ होला । आमाले पक्कै पनि लिपपोत गरेर चिटिक्क रङाइ सक्नु भए होला । अहिले त उही बालापनको जस्तै देखिन्छ होला मेरो घर । पहेलो माटोले पोटेर रातो माटोले बिट मारेको, झरिले पखालेर सफा पारेको खरको छानो, मोँसोले रङाएको काला झ्याल-ढोका, गोबर माटोले लिपेको आँगन । साँच्ची दीदीले पनि आँगन वरपर सयपत्रीका बेर्ना सारी सकिन होला । फेरी येस्पालि पनि ठुला-ठुला घोव्प्पा फूल भएको माला त म नै लाउनु पर्ला । बुवाले पनि आजसम्म त भित्तामा पुरेनी कोरेर रङाइ सक्नु भो होला । बुवाको कुराले पहिलो चोटि छुट्टीमा घर आउँदाको याद आयो । चैत-बैशाखको धुपमा यस्तै गरी छतमा बसेर आएको थिए । गर्मी अचाक्ली थियो, आधा-बाटो अैसक्दा पानी पर्न सुरु भो । एक त त्यस्तो गर्मी, तेस्माथि तात्तिएको माटोमा बर्षाको पानी पर्दाको मिठो बास्ना, अझ घर फर्किदाको खुशी, तल नझरेर बेस्सरी पानीमै रुझियो । एस्तो लागि रहेको थियो कि मेरै आगमनको खुशीमा जल-बर्षा भईरहेछ फेरी चट्याङ्ले पनि गर्जेर बेला बेलामा सलामी दिरहेकै थियो । मक्ख परेर गीत गाउदै बसियो "आज मौसम बडा बेइमान है .....", हुन पनि एक बोतल LT भइदिएको भए काइदा हुने भन्ने सोच्दै घर पुगियो । "जा...तेरिम्मा टोक्ने यो पो मुन्टिएछ त " हाम्रो बाले तेत्ती बेला हर्शले भने कि बिस्मात्ले, मैले छुट्यौन सकिन ।
"बोलाँउदा पनि बोल्दिनौ... जिस्काउदा पनि जिस्कन्नौ... " आमाको मायामा सेन्टी हुन नपाउदै मोबाइलको घन्टी बज्यो । मेरा यादका तरङहरु बिथोल्ने को रैछ भनेर हेर्छु त तेही मेरो गाउको दौतर स्रवण रहेछ . मैले पनि मोबाइल सुइच अफ नै गरेर फेरी यादमा डुब्न खोजेँ, तर एक चोटि छुटी सकेको सोच को गाडी भेट्टाउन सकिन । मोबाइल हातमा लिएर अन गर्न लागेको थिए फेरी के सोच आयो गरिन .हुन पनि गाउ अैसकेपछी त यो ठाँडोको काम पनि छैन के । कसैलाई बोलाँउदा घरको आँगनबाट एक चोटि कराइदिने हो भने वोरपरका डाँडामा ठोकिएर चारचोटि सुन्निछ । फेरी न्यचुरल रिङ्गटोन पनि त गजब कै पाईन्छ , झ्यौकिरी रिङ्गटोन, हाम्रो झ्याङ्को चरा-चुरिङ्गइको airtel बर्ड रिङ्गटोन, जाड्याहा झाँक्रीको laughing अनी झँक्रेनीको crying रिङ्गटोन, एस्तो त कती कती । अब गीतै सुन्ने हो भनी मलाई र सर्पालाई टिल्ल पारीदेउ हामी रात छर्लङै पार्दिन्छम, सुन्ने कोइ नभए नि हुन्छ ।
गीतको कुरा सोचिरहेको बेला तल गाडीमा पनि मज्जाको गीत छतै थर्किने गरी बज्दै रहेछ :"आफ्नै गाउ फर्की आएँ "। गाउ छिर्ने बेलामा के हुन्छ कुन्नी यि डाइबरहरुलाई बाटाभरी नलाएको डेक खुब घनकाउछन । हुन त जे सुकै होस् आफुलाई गाउ-ठाउ नियाल्दैमा फुर्सद नभाबेला । यस्तै सोच्दै फेरी आफ्ना गाउका घर र मान्छे पहिल्याउनतिर लागे । हैन कती धेरै नयाँ घर बनी सकेका हुन अचेल त , के-के बादीले लेखेटेका जती सबैले यतै घर हाल्याछन भनेर बुवाले छिट्ठिमा त लेख्नु भएकै थियो तर एती धेरै होलान जस्तो त लागेको थिएन । नयाँ नेपालको कुरा त मलाई थाहा छैन तर हाम्रो गाउ चहिँ अर्कै किसिमको नयाँ भएछ । के यस्तै होला त बिकास ? " ल है त दाई , यात्रा पनि सकियो-मोज पनि सकियो " फेरी त्यही मरन्चयाँसे बिद्वान बन्न अैपुगी हाल्यो छेउमै । छतबाट केही लग्या छ कि भनेर सुराकी गर्न पो मोर्याथ्योकी कुन्नी । तर गाउ अैपुगेको खुशीमा मेरो बोली त्यो प्रती पनि राम्रै निस्क्यो । | |
Posted on 10-02-08 3:43 PM Reply
| |
रिंकुटे लाइ क्या नाम सलुट ठोकें है। कस्तो धमाकेदार re-entry हो यो रिंकुटेको। | |
Posted on 10-02-08 3:51 PM Reply
| |
ओहो! म त दशैँको शुभकामना भनेर हिँड्या होला एकछिनमा हेर्छु भनेर बसेको त यता त धमाका गा' रहेछ! ल प्रभो अब यसपाली छुट्टिमा अलि धेरै बसम यतातिर र यस्तै गन्थन टाँसम सकेसम्म! दशैँको शुभकामाना छ मेरो पनि! | |
Posted on 10-02-08 4:35 PM Reply
| |
ओहो! म त दशैँको शुभकामना भनेर हिँड्या होला एकछिनमा हेर्छु भनेर बसेको त यता त धमाका गा' रहेछ! ल प्रभो अब यसपाली छुट्टिमा अलि धेरै बसम यतातिर र यस्तै गन्थन टाँसम सकेसम्म! दशैँको शुभकामाना छ मेरो पनि! | |
Posted on 10-02-08 5:17 PM Reply
| |
हरेक वर्णनको पछाडी एकदम witty टिप्पणीको पुछार जोडेर कथा हाल्ने रिकुटेको सिउनेचर ईस्टाईल साह्रो दामी लाग्छ मलाई । यसपालीको कोसेलीमा पनि कुनै कसर छैन । क्यावात ! Nepe |