लोल!

हे विराट भन्दा विराट थुतुनो चलाउनका खप्पिस महारथी लहरे! हे बर्खाको पर्सि पल्टको खहरे! सम्पूर्ण जीवात्माहरुले मानि आएको, सम्पूर्ण राम्रा आत्माहरुले जानि आएको मेरो मेरुदन्डको आकारको बारेमा नानाथरी प्रचार गर्ने तिमीलाई कस्तो दण्ड दिउँ? हे छुच्चो मुखका धनि! तिमीलाई म श्राप दिन्छु कि तिमीले जानि नजानी राम्रो किसिमले कुरा गर्दा पनि नराम्रो सुनियोस। तिम्रो बचनबाट 'अ' भन्ने अक्षर कसैले नसुनुन्। तिमिले कसैलाई गालि गरेर 'अज्ञानी' भन्दा 'ज्ञानी' सुनियोस। तिमिले कसैको लेखाईलाई "कति राम्रो अछ्छेर" भन्दा ' कति राम्रो छेर' सुनियोस र पिटाइ खान परोस्। तिमिलाई कसैले खानेकुरा दिँदा थोरै भएर तिमिले 'अपर्याप्त छ' भन्दा 'पर्याप्त छ' सुनियोस त तिमि भोकै डल्लिन परोस। तिमीलाई जति अशान्ती भए पनि अरुले शान्ती सुनुन्। तिमीले 'अनिता आइ लभ यु' भन्दा 'निता आई लभ यु' भनेको सुनेर अनिताको स्यान्डल खान परोस। तिमीले कुनै तानाशाही राज्यको ठुला व्यक्तीलाई चापलुसि गर्न ' अमर हुन्' भन्दा 'मरुन' सुनियोस र तिमीलाई जन्मकैद होस! माछा पसलमा गएर तिमिले 'असला' माछा माग्दा 'साला' सुनियोस र तिमिले बिक्रेताको लात खानु परोस! यो सबै हुँदा अत्यन्तै दुख पाएपछि तिमिले सबैलाई  मेरो कुरामा 'अ' जोडेर सुन्नुस भनेर गिडगिडाउन परोस। निकै समयको दुख पश्चात बल्ल बल्ल बुझेर सबैले 'अ' जोडेर सुन्न थालेपछि तिमिलाई एकछिन क्षणिक खुसि आवोर तर लगत्तै तिम्रा सबै नैतिक कामहरुमा अरुले 'अ' थपेर अनैतिक बनाएर तिम्रो खेदो खनुन्!
हरि ओम तत्सत्