ल यो नँया मित्रहरुलाई सादर उपहार -

हालत माथी शंका गर्नै मौका बाँडेकै हुं !
छांया सित दोहरो कुरा गर्न खोजेकै हुं !
 
सम्झौता जब मेरै ब्याख्यामा निर्भर हुन्छ
कस्ले भन्छ बिश्वासमा घात गरेकै हुं ?
 
तिम्रो पीडामा रुंदाका आंशु छोउ साथी
गोहीसित अश्रुग्रन्थी सापट मागेकै हुं !
 
भिन्न परिणाम निकाल्ने लक्ष थियो नै
हरेक चोटी एउटै प्रयोग गरेकै हुं !
 
तिमी माथी मेरो भरोसाको हद हेर
पानी मात्र पिलाउंदा पनि मातेकै हुं !
 
म अनिर्णयको बन्दी भईन कहिलै
शर्तहरु  सहर्ष बिना शर्त  स्विकारेकै हुं !

बीरहरु एकचोटी मात्र मर्छन् भन्छ

म थुप्रै दुर्घटनामा परेर बांचेकै हुं !