Posted by: Sarkozy August 6, 2008
Login in to Rate this Post:
0
?
वरिष्ठ स्नायु चिकित्सक डा. उपेन्द्र देवकोटाले एक करोड ३० लाख फिरौती
तिरेर छोरी मेघालाई अपहरणमुक्त गराएका छन् ।
शनिबार अपहरित छोरीलाई छुटाउन डा. देवकोटाले प्रहरीको सहयोग मागेका थिए, तर अपहरणकारीले प्रहरी अपरेसनबारे जानकारी पाएपछि डा. देवकोटाले पैसा तिरेर मात्र छोरी फिर्ता पाएका छन् ।
रातोबंगला स्कुलमा १० कक्षामा पढ्ने जेठी छोरी मेघालाई छुटाउन डा. देवकोटाले मंगलबार अपराह्न १ बजे एक करोड ३० लाख बुझाएका हुन् । अपहरणकारीलाई पक्रन प्रहरी टोली मंगलबार पनि परिचालन भएको थियो । तर, प्रहरीलाई चक्मा दिएर अपहरणकारी फरार भएका छन् ।
डा. देवकोटा तीन छोरी मेघा, बसुधा र मञ्जरीका पिता हुन् । शनिबार मेघालाई अपहरण गर्नासाथ डा. देवकोटालाई फोन गरेर अपहरणकारीहरूले नौ करोड फिरौती मागेका थिए । देवकोटा र अपहरणकारीबीच एक करोड ३० लाखमा कुरा मिलेपछि मेघा रिहा भएकी हुन् ।
उनलाई अपहरणकारीले बुढानीलकण्ठ, हेपाली हाइटस्थित घरबाटै अपहरण गरेका थिए । प्रहरीको प्रारम्भिक अनुमानअनुसार अपहरणकारीले मेघालाई भक्तपुरमा राखेका थिए ।
छोरी अपहरणमा परेलगत्तै डा. देवकोटाले प्रहरीलाई सम्पर्क गरेका थिए । प्रहरीले गोप्य रूपमै अपहरणकारी बसेको पहिचान गरी घेराउसमेत गरेको थियो । प्रहरीले घेरेको सूचना पाएका अपहरणकारीले तत्काल प्रहरीको घेरा नहटे डा. देवकोटाकी छोरीको हत्या गर्ने धम्की दिएपछि प्रहरीले आफ्नो घेरा हटाएको विश्वस्त स्रोतले बतायो । प्रहरी र पीडितका परिवारबीच अति गोप्य रहेको प्रहरी अपरेसनको सूचना अपहरणकारीसम्म कसरी पुग्यो ? शंका उब्जिएको छ ।
प्रहरी घेरा हटेपछि अपहरणकारी समूह फिरौती रकम घटाउन उदार बनेको थियो । कुरा मिलेपछि डा. देवकोटाले अपहरणकारीलाई रकम बुझाएका थिए । अपहरणकारीहरूले रकम पाएको ४५ मिनेटमा रिहा गर्ने वचन दिएका थिए । तर, डा. देवकोटाले मंगलबार अपराह्न १ बजे रकम बुझाए पनि मेघा चार बजे रिहा भएकी थिइन् । रकम लिन आएका अपहरणकारीले कालो मुकुण्डो लगाएको देवकोटाले प्रहरीलाई बताएका छन् ।
अपहरणबारे कतै जानकारी दिए परिवारका सदस्यमाथि पुनः आक्रमण गर्ने धम्की दिइएको निकट पारिवारिक स्रोतले बतायो । अपहरण काण्डपछि डा. देवकोटा तनावमा छन् । छोरी अपहरणको सूचना पाएपछि उनी अस्पतालसमेत गएका थिएनन् । उनी तीन दिनपछि बुधबारबाट मात्र अस्पताल गएका थिए । अस्पतालकी एक कर्मचारीले बुधबार भनिन्, 'ए, उहाँ त बिरामी हुनुहुन्थ्यो, आज (बुधबार) मात्र अस्पताल आउनुभएको छ ।'
प्रहरीले एआइजीको नेतृत्वमा विशेष टोली गठन गरी अपहरणकारीको खोजी सुरु गरेको छ । स्रोतका अनुसार सो टोलीले बुढानीलकण्ठ हेपाली हाइटमा डा. देवकोटाको घरमा गएर पीडितको बयान लिइसकेको छ ।
तर, महानगरीय प्रहरी अपराध महाशाखाका जिम्मेवार अधिकारीले डा. देवकोटाकी छोरीको अपहरणबारे कुनै जानकारी नभएको बताए । विश्वस्त स्रोतका अनुसार महाशाखाले सम्बन्धित प्रहरी निकायमा अपहरणको बारेमा सञ्चारकर्मीहरूसित केही नबोल्ने आदेश जारी गरेको छ । एक प्रहरी अधिकारीले भने, 'कसैले यस विषयमा सोध्यो भने थाहा छैन भन्नु भन्ने आदेश छ, बोल्यो भने त जागिरै जान्छ ।'
अपहरण भएको क्षेत्र हेर्ने जिम्मेवारी पाएको महानगरीय प्रहरी वृत्त महाराजगञ्जका इन्चार्ज डिएसपी विकास खनालको बोली पनि उस्तै छ । उनले न घटनाको बारेमा अनभिज्ञता देखाए न जानकारी नै दिए । उनले भने, 'यसबारेमा डिएसपीलाई केही जानकारी नै रहेनछ भनेर त नलेख्नु होला, तर मलाई धेरै कुरा जानकारी छैन, यो विषयलाई माथिबाटै डिल गरिएको छ ।'
बुढानीलकण्ठ प्रभागका प्रहरी निरीक्षक गोविन्द अधिकारीले नयाँ पत्रिकासित भने, 'पीडितहरू मेरै एरियामा बस्ने हुन्, डक्टरसाव सम्पर्कमा आएका छैनन्, न पीडितले केही भनेको छ न माथिबाटै कुनै जानकारी आएको छ, मलाई त पत्रकारले फोन गरेर सोधेपछि मात्र जानकारी भएको हो ।'
शनिबार अपहरित छोरीलाई छुटाउन डा. देवकोटाले प्रहरीको सहयोग मागेका थिए, तर अपहरणकारीले प्रहरी अपरेसनबारे जानकारी पाएपछि डा. देवकोटाले पैसा तिरेर मात्र छोरी फिर्ता पाएका छन् ।
रातोबंगला स्कुलमा १० कक्षामा पढ्ने जेठी छोरी मेघालाई छुटाउन डा. देवकोटाले मंगलबार अपराह्न १ बजे एक करोड ३० लाख बुझाएका हुन् । अपहरणकारीलाई पक्रन प्रहरी टोली मंगलबार पनि परिचालन भएको थियो । तर, प्रहरीलाई चक्मा दिएर अपहरणकारी फरार भएका छन् ।
डा. देवकोटा तीन छोरी मेघा, बसुधा र मञ्जरीका पिता हुन् । शनिबार मेघालाई अपहरण गर्नासाथ डा. देवकोटालाई फोन गरेर अपहरणकारीहरूले नौ करोड फिरौती मागेका थिए । देवकोटा र अपहरणकारीबीच एक करोड ३० लाखमा कुरा मिलेपछि मेघा रिहा भएकी हुन् ।
उनलाई अपहरणकारीले बुढानीलकण्ठ, हेपाली हाइटस्थित घरबाटै अपहरण गरेका थिए । प्रहरीको प्रारम्भिक अनुमानअनुसार अपहरणकारीले मेघालाई भक्तपुरमा राखेका थिए ।
छोरी अपहरणमा परेलगत्तै डा. देवकोटाले प्रहरीलाई सम्पर्क गरेका थिए । प्रहरीले गोप्य रूपमै अपहरणकारी बसेको पहिचान गरी घेराउसमेत गरेको थियो । प्रहरीले घेरेको सूचना पाएका अपहरणकारीले तत्काल प्रहरीको घेरा नहटे डा. देवकोटाकी छोरीको हत्या गर्ने धम्की दिएपछि प्रहरीले आफ्नो घेरा हटाएको विश्वस्त स्रोतले बतायो । प्रहरी र पीडितका परिवारबीच अति गोप्य रहेको प्रहरी अपरेसनको सूचना अपहरणकारीसम्म कसरी पुग्यो ? शंका उब्जिएको छ ।
प्रहरी घेरा हटेपछि अपहरणकारी समूह फिरौती रकम घटाउन उदार बनेको थियो । कुरा मिलेपछि डा. देवकोटाले अपहरणकारीलाई रकम बुझाएका थिए । अपहरणकारीहरूले रकम पाएको ४५ मिनेटमा रिहा गर्ने वचन दिएका थिए । तर, डा. देवकोटाले मंगलबार अपराह्न १ बजे रकम बुझाए पनि मेघा चार बजे रिहा भएकी थिइन् । रकम लिन आएका अपहरणकारीले कालो मुकुण्डो लगाएको देवकोटाले प्रहरीलाई बताएका छन् ।
अपहरणबारे कतै जानकारी दिए परिवारका सदस्यमाथि पुनः आक्रमण गर्ने धम्की दिइएको निकट पारिवारिक स्रोतले बतायो । अपहरण काण्डपछि डा. देवकोटा तनावमा छन् । छोरी अपहरणको सूचना पाएपछि उनी अस्पतालसमेत गएका थिएनन् । उनी तीन दिनपछि बुधबारबाट मात्र अस्पताल गएका थिए । अस्पतालकी एक कर्मचारीले बुधबार भनिन्, 'ए, उहाँ त बिरामी हुनुहुन्थ्यो, आज (बुधबार) मात्र अस्पताल आउनुभएको छ ।'
प्रहरीले एआइजीको नेतृत्वमा विशेष टोली गठन गरी अपहरणकारीको खोजी सुरु गरेको छ । स्रोतका अनुसार सो टोलीले बुढानीलकण्ठ हेपाली हाइटमा डा. देवकोटाको घरमा गएर पीडितको बयान लिइसकेको छ ।
तर, महानगरीय प्रहरी अपराध महाशाखाका जिम्मेवार अधिकारीले डा. देवकोटाकी छोरीको अपहरणबारे कुनै जानकारी नभएको बताए । विश्वस्त स्रोतका अनुसार महाशाखाले सम्बन्धित प्रहरी निकायमा अपहरणको बारेमा सञ्चारकर्मीहरूसित केही नबोल्ने आदेश जारी गरेको छ । एक प्रहरी अधिकारीले भने, 'कसैले यस विषयमा सोध्यो भने थाहा छैन भन्नु भन्ने आदेश छ, बोल्यो भने त जागिरै जान्छ ।'
अपहरण भएको क्षेत्र हेर्ने जिम्मेवारी पाएको महानगरीय प्रहरी वृत्त महाराजगञ्जका इन्चार्ज डिएसपी विकास खनालको बोली पनि उस्तै छ । उनले न घटनाको बारेमा अनभिज्ञता देखाए न जानकारी नै दिए । उनले भने, 'यसबारेमा डिएसपीलाई केही जानकारी नै रहेनछ भनेर त नलेख्नु होला, तर मलाई धेरै कुरा जानकारी छैन, यो विषयलाई माथिबाटै डिल गरिएको छ ।'
बुढानीलकण्ठ प्रभागका प्रहरी निरीक्षक गोविन्द अधिकारीले नयाँ पत्रिकासित भने, 'पीडितहरू मेरै एरियामा बस्ने हुन्, डक्टरसाव सम्पर्कमा आएका छैनन्, न पीडितले केही भनेको छ न माथिबाटै कुनै जानकारी आएको छ, मलाई त पत्रकारले फोन गरेर सोधेपछि मात्र जानकारी भएको हो ।'