....

कुम्ले हातमा हितेले दिएको चुरोट बोकेर बेला बेलामा साहुनिको छोरि तिर छड्के नजर दिँदै, बेला बेलामा हितेको पल्लवी संगको हाउभाउ हेर्दै कोक पनि सिप मार्दै थियो। एउटा रातो कमिला कुम्लेको जुत्ता बाट बिस्तारै माथितिर चढ्यो र मोजाको फेर सकिने ठाउँमा पुगेर कुम्लेको चाम्रो छालामा किटिक्क पारिहाल्यो!

" ऐयाS नि! ड्यास ड्यास... जस्तो ...ड्यास ड्यास..."

नजिकै कोहि नभएको बेला पारेर कमिलाले टोकेको झोकमा कुम्लेको मुख बाट स्वतन्त्र रुपले संस्कृत श्लोक निस्कने बित्तिकै घाममा कसैको छायाँ देखेर यसो मुन्टो उठाएर हेर्यो!

कुम्लेका कान्छा बा कान्छि आमा संग देवदास हेर्न आएका रेछन्, सोझो, मुसुमुसु हाँस्ने, खराब बानि नभएको, मिठो बोल्ने कुम्लेलाई, एक हातमा कोक, एक हातमा बलिराखेको चुरोट, नजिकै साहुनिको छोरि र मुखबाट निस्केको गालि सहितको  स्थितीमा देखेर भुत देखेको जसरि हेर्न थाले बुढाले!