युवराजजीलाई मैले धेरै पढेको छुईन । जति पढें, तीनमा धेरैजसो कुरा म बुझ्दिनथें । ती अस्पष्ट लाग्थे । माथिको लेखमा मैले एउटा त्यस्तै अस्पष्टता भेटें ।

अब संविधानसभाको पहिलो बैठकले गणतन्त्र घोषणा/अनुमोदन गर्ने जुन एजेण्डा छ, त्यसको विरोध गरेका हुन् कि त्यसलाई अझ दृढताकासाथ लागु गर्नु पर्छ भनेका हुन् उनले तलका पंक्तिमा ? मलाई त यो द्विअर्थी लाग्यो ।

“..पहिलो सभाद्वारा नेपाललाई तत्काल गणतन्त्र स्थापित गर्न । यो प्रक्रियागतरूपमा त्रुटिपूर्ण त छँदै छ, व्यवहारिक, कानुनी र संवैधानिक हिसाबले पनि अमान्य छ । संविधान आंशिकरूपमा लागू हुने दस्तावेज छैन । संविधानसभाद्वारा पूर्णता नपाएसम्म र अनुमोदन नभएसम्म सरकारले यति महत्त्वपूर्ण निर्णयलाई आंशिक र हल्कारूपमा लागू गरेमा त्यसले ठूलो दुघटना निम्त्याउनेछ ।"