किन राधा ? किन मीरा नरोजेको ? थाहा छैन राधा केको प्रतीक हुन् (मीरा त प्रेमको), तर कृष्ण धरावासीले उनको पुरस्कृत उपन्यास “राधा” मा राधालाई नारीवादी नायिकाको रुपमा पुनर्परिभाषित गर्ने कोशिस गरेका छन्, यद्यपि कथान्तमा राधाको पुरानै स्वरुप देखिन्छ ।

कसैले सुनेको छ कृष्ण धरावासीलाई त्यसबेला लागेको आरोप, जुन उनले खण्डन गरेका थिए – प्रचण्ड र बाबुरामलाई उपन्यासको पात्रद्वय कृष्ण र बलरामको रुपमा प्रस्तुत गरेका हुन् भनेर ?

धरावासीको कल्पना र खण्डनमा जे र जेजस्तो सत्यता भए पनि “राधा” उपन्यासको कथा (कृष्ण र बलरामद्वयको छापामार युद्धद्वारा कंसराज समाप्त गरी गणतन्त्र स्थापना गर्ने) र माओवादीको कथामा केही न केही समानान्तरता देखिन्छ ।

अब त झन् बढी टड्कारो देखिने भो ।

अब संभवत: “राधा” उपन्यासको पुनर्चर्चा हुनेछ । उनी पछाडीका पुरस्कार पाउने “पल्पसा क्याफे” को अतिप्रचारले उनको उपन्यासलाई एक अन्यायपूर्ण ओझेलमा पारिदिएको थियो । “पल्पसा क्याफे” मा माओवादी द्वन्दको जुन सतही र निस्कर्षविहिन चित्रण छ (मेरो आधा निस्कर्ष) र पुस्तकले जुन अतिप्रचारको फाईदा पायो, त्यसको पनि चर्चा गर्नेछन् होला आउँदा दिनका समीक्षकहरुले । “बलेको आगो ताप्ने” पुरानो नेपाली बानी त छदैछ, त्यसमाथी माओवादी द्वन्दलाई वैचारिक क्रान्तिको साटो सामान्य अशान्तिको रुपमा हेरेर नेपाली संभ्रान्तवर्गले आफुलाई एउटा ठूलै भ्रममा राखेको भने पक्का हो ।

Nepe