बुद्धको आँशु

धेरै भयो जगंलमा स्याल कराउन छाडेको

खै कुन्नी  कता गयो सिहं राजा?

सुनिदैन गर्जेको

बन्दुक देखी तर्सेर हो कि ?

बारुद्-बम पढ्किएर

कोइली चरिको मिठो धुन सुन्न छाडेको

बुद्धकै आँशु पो हो कि?

बिना बादल  झरी परेको

शान्तिको धुन बज्न छाडियो

बुद्ध भुमी भएर पनि

पानीमा रगत मिसिन थाल्यो

जलस्वोतमा धनी भएर पनि

शान्तिको दिप निभेको हो कि?

सतिले सरापेको देश भएर?

सदा अटल भई मुस्कुराउने सगरमाथाको शिर झुकेको

बुद्धकै आँशु पो को कि?

बिना बादल झरी परेको

 पाइलै पिच्छे रगतको होली

हर श्वासमा बैरी बसेको

खै कसलाई विश्वाश गर्ने यहाँ?

हर धड्कनमा स्वार्थ लुकेको

अझै खुकुरिको प्यास नमेटे र हो कि?

लादेनहरु धेरै जन्मिएर?

रगतको सागर भित्र धर्ती आमा लाजले मुख छोपेको

बुद्धकै आँशु पो को कि?

बिना बादल झरी परेको