Lopchan-jee,

Just sharing a poem very similar in content and tone with yours. It was written for a new year’s eve some four years ago. It feels strange to see how we are still in the “front”, this time fighting among ourselves to get the best share of the pie.

Nepe

______________________________________

http://sahitya.freenepal.com/8poem_deepak.htm

स्थगित उत्सव नयाँ वर्षको

पोहोर परार झै

यस पाली पनि

माफ गर्नु

उत्सव अझै स्थगित राखी

यो संक्षिप्त शुभकामना सन्देश

पठाएको छु

प्रियतम तिमीलाई

मोर्चाबाट

म मोर्चामा छु अझै

फूलहरु जथाभाबी कुल्चेर हिडेका छन् आँधी

म बगैचाको मोर्चामा छु

पुलहरुको निर्माण कर्मीहरु बिर्सेर हिडे आधी

म फट्केहरुको मोर्चामा छु

सपनाहरुको आखेटमा छन् केहि धुलोहरु

म आँखाको मोर्चामा छु

सद्दामे सपना पुनर्जागरण रोक्ने माकुरे दुलोहरु

बनाउने पाखाको मोर्चामा छु

गोरेटा चिप्ला छन् पुरानो हिलो नयाँ वर्षा ले भिजेको

म गोडा र बाटाका मोर्चामा छु

फेरि हिसाब राखेर बेहिसाब काँढा बिझेको

घाउ, मलम र खाटाका मोर्चामा छु

म मोर्चामा छु प्रियतम

मलाई शुभकामनाहरु पठाउ

जडेर ताता चुम्बनहरु

म तिम्रो ओठमा राख्‍नेछु

अर्को वर्षसम्म गरम

स्थगित उत्सव नयाँ वर्षको

_________________________