अक्सिजन थिएन, एम्बुलेन्समा तेल थिएन नेपाली बाँचेकै थिए । कतै आगलागी भइहाले दमकल चल्न छाडेका थिए त्यो पनि सहेकै हो । दिनभर लामो लाइन बसेर तेल नपाएर कटकटिएको ओठ लिएर घर पुग्नेहरुको मात्र होइन, दिनहुँ कमाएर खानेहरु भोकै पनि सुतेकै थिए । तर अब त अति नै भएको महशुस हुन थालेको छ।
पशुपतिस्थित आर्यघाटमा दाउरा सकिएकाले अब बिहीबारपछि अन्तिम संस्कारमा समेत समस्या आउने पशुपतिस्थित टिम्बर कर्पोरेशनले जनाएको छ। कर्पोरेशनका अनुसार अब त्यहाँ बुधबार एक दिनका लागि मुस्किलले पुग्ने दाउरा मात्र रहेको छ।
विगत लामो समयदेखि बन्दका कारण दाउरा ल्याउन नसकिएपछि यो स्थिति आएको आर्यघाटस्थित टिम्बर कर्पोरेशनले जनाएको छ। source: kantipur