Posted by:
jibatma January 31, 2008
Login in to Rate this Post:
0
?
For the root cause of this case..,see the news below. I hope these dalals should be prosecuted in Nepal and put them in jail..
http://nepalipost.com/nepali/samachar.php?nid=4922
अलाबामाका नेपाली भन्छन् नेपाल फर्कने कुरै भएन नि ऋणमा डुविएको छ
|
|
नेपालीपोष्ट प्रतिनिधि
अलाबामा, जनवरी ३० |
अलाबामामा राज्यको हन्स्भिलस्थित डीभीडी कारखानामा काम गर्दै आएका तीन सय नेपालीहरुमध्ये बाँकी ६० जनाको संख्यामा अझै सो कम्पनीमा कार्यरत रहेको जानकारी नेपालीपोष्टका लागि स्थानीय पत्रकार सन्तोष पोखरेलले गराउनुभएको छ । नेपालका दलाल निलेशकुमार ठाकुर, चित्र केसी म्याग्दी र विमल कार्कीमार्फत सो कम्पनीमा मजदुरी गर्न आइपुगेका नेपालीहरुलाई दलालले काठमाडौंबाट पाकिस्थान हुँदै एटलान्टा आइपुगेपछि मात्र आफूहरु अमेरिका आइपुगेको थाहा पाएको कुरा त्यहाँ आएका नेपालीहरुले पोखरेलसँगको भेटमा जनाएका छन् । १६ लाखभन्दा बढी रकम तिरेर प्रतिघण्टा आठ डलरका दरले साताको चालीस घण्टा काम गर्ने गरी आइपुगेका नेपालीहरुले नेपालमा आफू ऋणमा चुर्लुम्म डुवेका कारण अब सात महिने भिसा सकिन र कारखानाले पनि तीन दिन जम्मा २४ घण्टामात्र काम दिन थालेपछि त्यहाँबाट नेपालीहरु भाग्न थालेको जानकारी पोखरेलले नेपालीपोष्टलाई दिनुभयो । नेपालस्थित दरवारमार्गमा निर्भना अलाइन्स नामको दलाल केन्द्रमा कार्यरत मुख्य नाइके निलेशकुमार ठाकुर भने हाल अलावामा आइपुगेको र निज ठाकुरले स्थानीय समाचार एजेन्सीहरुमा समाचार निस्केपछि डीभीडी कारखाना र स्थानीय दलालले हराएका मजदूरहरुका बारेमा सोध्दा उनीहरु केही दिन न्युयोर्क घुम्न गएका हुन् फर्केर आउने कुरा बताउन थालेका छन् ।
ठाकुरले त्यहाँ बाँकीरहेका नेपालीहरुको समेत पासपोर्ट माग्दै म तिमीहरुको भिसा थपेर ल्याइदिन्छु भने तापनि बाँकी रहेका नेपालीहरुले निजलाई पासपोर्ट भने नबुझाएको जनाएका छन् । स्थानीय नेपाली पत्रकार पोखरेलले दलाल ठाकुरलाई भेट्ने प्रयास गर्दा उनी त्यहाँबाट क्यालिफोर्निया लागिसकेको त्यहाँ रहेका नेपालीले जानकारी गराए । स्थानीय तवरमा कोही पनि नबस्ने कामै नलाग्ने अपार्टमेन्टमा प्रति व्यक्ति २ सय २५ डलर तिरेर चार जनाका दरले अपार्टमेन्टमा राखिएको छ । त्यस्तो अपार्टमेन्ट कोही बस्न लायकै नभएको र त्यो भन्दा राम्रो अपार्टमेन्ट सो स्थानमा तीन चार सय डलर प्रतिमहिनामा पाइने कुरा पनि सन्तोष पोखरेलले बताउनुभयो । यसरी ती नेपालीहरु नेपालदेखि स्थानीय दलालसम्म पनि अझै डलर बुझाइरहेको समेत पाइएको छ । उनीहरुको कारखानामा पुगेर आउने जाने खर्च समेत स्थानीय दलालले खर्च उठाउँदै आएको छ । सिजनल एच २ वी भिसामा उनीहरु हाल त्यहाँ आइपुगेका हुन् । एच २ वी भिसा अमेरिकामा सिजनल कामदारलाई दिइने भिसा हो । जुन भिसाको म्याद तीन देखि सात महिने हुन्छ प्रायजसो यस्तो भिसा अमेरिकाका छिमेकी राष्ट्र मेक्सिको लगायतका देशबाट काम गर्न आउने कामदारहरुका लागि अमेरिकी सरकारले दिने गर्छ । अब बाँकी रहेका नेपालीहरु पनि त्यहाँबाट भाग्ने तरखरमा रहेका छन् । त्यहाँ आइपुगेका सय जनाभन्दा बढी म्याग्दीतिरका नेपालीहरु रहेका छन् । कतिपय नेपालीहरु गाउँबाट काठमाडौं समेत नदेखेका र उनीहरु आफ्नो बारेमा केही बोल्न समेत नचाहनेहरुको संख्या धेरै रहेको कुरा पनि पोखरेलले जानकारी गराउनुभयो । |