सधैँ माया मात्र पाएर  पनि मान्छेलाई दिक्क लाग्दो रेछ!

विक्रम तीमल्सीना (तन्नेरीबाट)- 

मायामात्र कस्तो-कस्तो अलिअलि चोट देऊ
अलौकिक होइनौ भने अलिअलि खोट देऊ

जताततै प्रेम भेटेँ, तरल जिन्दगानी लेखेँ
थोरै कडा हुने मन छ, त्यसैले अठोट देऊ

गुलियोको राज कतै तीतोपनमा लुकी बस्छ
काँडा पनि पलाएको गुलाबको बोट देऊ

जिताउँथ्यौ जित्थेँ सधैँ तर यौटा अर्को रहर
किन-किन हारूँ लाग्यो विपक्षमा भोट देऊ