ड्राईभरको अनुरोध, नेउकान्छीलै

मेरी प्यारी ईन्जिन आयल भन्दा नि चिप्लो, नेउकान्छी,

मैले हाम्रो पिरेम कन्डिशनमा रहोस् भनेर स्टेरिङ् घुमाई घुमाई लेखेको पिरेम पत्र तिमीले सार्वजनिक गर्देछौ, मेरो चार वटै पाङ्ग्रा पन्चेट भो। हामी त सानदार टडक ड्राईभर थिएम्, अब मेरो पिरेम पत्र मिनि बस, माईक्रो बस, ट्याक्सी, टेम्पो, लगायत दुई पाङ्ग्रे मटर साईकल, साईकल, तथा जाबा रिक्साले नि पढ्ने भए। कतै हाम्रो खिल्ली उडाउँदै अरुको ब्रेक फेल नहोस्।

तिम्लाई फस्ट, सेकेन्ड, र थर्ड गियर पार गराई फोर्थ गियरमा धमाकाका साथ एक्सिलेटर दबाउने विचारमा थिएं, साईडबाट तिम्रै खुट्टाले अचानक बिरेक पो थिचिदिएछौ, अफसोच! अब त बेटरी डाउन भयो, मेरो ईन्धनको ढुकढुकी नेउकान्छी, आँसु पुछ्नको लागि वाईपर पनि चल्दैन। बाटो सिधा छ, तर लाग्छ अरुलाई साईड दिन सिग्नल दिऊँ, तर दायाँ या बाँया, होश भएन।

तर जिन्दगी न हो, मेरी प्यारी, ठीकै छ, आफूलाई सम्हाल्ने छु। वर्कशप थुप्रै छन्, आयल चेन्ज गरम्ला, ट्युनअप गरम्ला, बेटरी फेरम्ला, बेल्ट कसम्ला, अनि फेरि पिस्टन चलाम्ला। अब त चेतें, प्यारी, दिउँसै पनि हाई बिम हेट लाईट बालेर हाँकम्ला।

जे भइ नि तिमी मेरो पहिलो थियौ, तेसैले तिम्लाई पनि नयाँ मोडेलमा केहि स्थान त दिम्ला नै। मफ्लर देखि साईलेन्सर पाईप सम्म तिमी नै रहने छौ, ता कि, एक्जाउस्ट भएका दुषित ग्याँस तिम्रै मार्फत पास होओस्।

ट्र्याजिडि नै परेको भए नि, तिमीलाई लास्ट एक मीऽऽऽऽऽऽऽऽऽऽऽऽऽऽठो चुम्बन स्वरुप यो हुड कुचिने गरि ठोकिएको क्र्याश स्वीकार, प्रिय!

दैवले साँचे, नमरी बाँचे, अर्थात मरिएमा अर्को जुनिमा, "हर्न पिलिज"!

सिनियर गुरुजी पुन्टे,

ख.त.रा. १४३