भाग ४


दुइ दिन सम्म स्कूल न आएकीले क्लासमा कानेखुसीको मौसम चल्यो। थरि थरिको हल्ला चल्यो।
अनेकले अनेक तर्कना गरे। तर कसैले अनुराधाकै भाइलाई सोध्ने हिम्मत गरेन । अथवा भनुम्, सोध्न जरुरि मानेन। सबैले मलाई सोध्ने थाले। मलाईके थाह? म आफै त रणभुल्लमा थिएं।
तेस्रो दिन पनि बाटोमा भेटिन तर स्कूल म भन्दा छिटो नै आइपुगेकी थिई। सधैं जस्तो शालिन र शान्त स्वभावमा । मास्टर् हरुले न आउनुको कारण सोध्ने नै भए। बिरामी परेको चल्ती बहाना भनी।
उनले न भने नि झूठ म देखि रहेको थिएं। बिरामी भएको हुंदै होइन।
हाफट्याममा मैले सोधें।
" किन न आएकी भन त, सबैले सोधेर हैरान"
"त्यसै"
तत्कालीन र रेडिमेड उत्तर्।
"म संग झूठ किन बोल्छ्यौ, सामान्य कुरा होइन। नत्र स्कूल न आउने मान्छे तिमी पक्कै होइनौ।"

हुन त म संग शायद नै कहिलेइ झुठ बोलेको थाहा थिएन।
"बुबाले गाली गर्नु भयो, नराम्रो संग त्यसैले स्कूल आउन मन लागेन"

"धत्, लाटी आफ्नो बाउले गाली न गरे अर्काको बाउले गाली गर्छ त, यस्तो कुरा चित्त दिखाएर एस् एल् सी को अगाडी क्लास छुटायो कि खलास् भन्ने थाहा छैन? त्यो त मनासिब भएन नि?"

असली कुराबाट बेखबर मैले भने आफनो ओरिजिनाल् स्टालमा भनी हालें, प्याच्च।
"कुरै न बुझी हावाम उडाउछौ, आफुलाई कस्तो पीर परेको बेला।"
यति चड्कन खाए पछी धडकन बढ्यो। केही न केही गड्बड भए छ, पक्का।
"किन गाली गरेको नि त्यसरी चित्तै दुख्ने गरी?"

"कुरा बेमज्जा को छ, तिमीलाई समेत अप्ठ्यारोमा पार्छ।"
त्यसैले भन्दिन।
त्यसो त यति सानै उमेरमा जिन्दगीका कठिनतम् दिनहरुलाई झेलिसकेको मान्छे म। भातको सट्टा लात खाएको मान्छे। जिन्दगीलाई उमेर भन्दा बढि बुझ्ने गर्थें।
"मलाई केही अप्ठेरो पर्दैन, खुलस्त भन, म बाट गल्ती, मिस्टेक भए छ भने सुधारौला।"

""बुबाले म तिमी संग हिड्यो रे भनेर गाली गरेको" " लभ गरेर हिड्यो रे" छोरी बिग्रियो रे"
"यस्तो हुंदै न भएको पाप बुबाको मनमा भरि दिएछम् कसैले। अनि चित्त दुख्दैन मेरो। आज देखि त्यो सधै हिड्ने बाटो समेत बद्लिएं मैले। अझै पनि घाउ चहराइ रहेको छ।"
कुनै शिक्षकले बिद्यार्थीलाई सुनाए जस्तो लामो लेक्चर सुनें। जीवन जगतबारे स्पष्ट धारणा र ज्ञान। बुझ्ने कति होलान्।
उनको अपराध थियो, असल मित्र संग संगत गर्नु, एकै दिशा, एकै टोल छिमेकका मित्र हुनु, त्यसमाथी दुबै जना आ-अफ्नो बर्गका उत्क्रिष्ठ प्रतिभाहरु हुनु?।
"केटाको केटी साथी हुनै नसक्ने। भए भने लभ गरेको हुने ।" हैन भनेको बिग्रेको केटीमा गणना हुने। अजब को चलन, गजब को प्रचलन रैछ। समाजमा।
अझै पनि केही कुरा भन्नु छ तिमीलाई? भोली भन्छु है।
हुन्छ, आजै भने नि हुन्छ नि। आज ट्याम छैन, ट्याम मा घर पुगेन भने अर्को गाली पाउछु त्यसैले भोली हाफट्याममा।
"भोलि के भन्ने हुन्, अनुराधाले " मेरो मथिंगल घुमिरह्यो। त्यो भोलीको कहिले आ
उने होला भन्दै भित्ते घडी हेरि रहें, टिक टिक टिक।
क्रमश: