Posted by: Gautam B. June 16, 2007
Login in to Rate this Post:
0
?
![](/wysiwyg/editor/images/smiley/msn/thumbs_up.gif)
![10 more flags than likes deactivates post.](/wysiwyg/editor/images/smiley/msn/thumbs_down.gif)
'तन्नेरी' का यी गजलहरु दा------मी लागे!
- सुरेश सुवेदी
तिमी आँसुका नागवेलीहरूमा
बग्यौ छल्किँदै यी परेलीहरूमा
भयो छोड चिन्ता म वैलेर के भो ?
तिमी फुल्नु वेली-चमेलीहरूमा
तिमी साथ छोडेर टाढा गए नि
बस्यौ सम्झनाका तरेलीहरूमा
म झुप्राहरू भित्र बस्नेछु एक्लै
तिमी हाँस्नु आफ्ना हवेलीहरूमा ।
-प्रभाती किरण
बडो यत्नले ढुकढुकी साँचिरा थेँ
मर्यो भन्दथ्यौ रे ! अझै बाँचिरा थेँ
गयौ दूर एक्लै बनाएर एक्लो
म तस्बीर तिम्रो यतै टाँसिरा थेँ
कतै बागमा कोयली गाउँदैथ्यो
टुट्यो तार मनको रुँदै गाँसिरा थेँ
हरायो निशानी डढ्यो प्रेम गाथा
म कल्पेर आँखा धुँदै नाचिरा थेँ
म भक्कानिएथेँ छुट्यो अश्रुधारा
नदेखून कसैले भनी हाँसिरा・थेँ ।
-राधा कँडेल
समेटेँ अरूले जिएका कहानी
रमेका झुमेका पिएका कहानी
कुनै चाहिँ नौला कुनै चैँ पुराना
कुनै चोटले बल्झिएका कहानी
म हेर्दैछु आफैँ, नियाली कसैले
मलाई कतै पर्खिएका कहानी
समेट्दैछु एक्लै बसी आज प्रिया
सँगै राख भन्दै दिएका कहानी ।