Posted by: Birkhe_Maila June 5, 2007
Login in to Rate this Post:
0
?
प्रभाती किरण-
बडो यत्नले ढुकढुकी साँचिरा’थेँ
मर्यो भन्दथ्यौ रे ! अझै बाँचिरा’थेँ
गयौ दूर एक्लै बनाएर एक्लो
म तस्बीर तिम्रो यतै टाँसिरा’थेँ
कतै बागमा कोयली गाउँदैथ्यो
टुट्यो तार मनको रुँदै गाँसिरा’थेँ
हरायो निशानी डढ्यो प्रेम गाथा
म कल्पेर आँखा धुँदै नाचिरा’थेँ
म भक्कानिएथेँ छुट्यो अश्रुधारा
नदेखून कसैले भनी हाँसिरा’थेँ ।
www.tanneri.com