Posted by: shirish February 21, 2007
Login in to Rate this Post:
0
?
यति हलुका भएं सासले उडाउन थाल्छन् !
आफ्नै ढुकढुकीले रात ब्यूझाउन थाल्छन् !
यस्सो सन्चो पार्ने औषधी लाउन थाल्यो,
घाउ नभएका ठाउँ चह-याउन थाल्छन् !
वाहन-सुखको अनुभवमा मग्न हुँदा,
निर्धारित गति र गन्तव्य हराउन थाल्छन् !
अपराधको पक्षमा यति दक्ष वकालत !
प्राकृतिक न्याय सिद्धान्त लजाउन थाल्छन् !
म बिरुद्द उत्रेका सैतान नष्ट होलान् र ?
एकको टाउको काटे दस पलाउन थाल्छन् !