थ्न दक्क में त न्यना जित नेपा लुमसिं वोया च्वन: ! मिकाय् खोबी जाया बल: का ! राजमतीया म्ये न्यना थो पासा पिन्त: राजमती कुमति, जिके वसा पिरति, हाय बाबा राजमतीचा राजामती मबिल धासा काशी बने त्यल बुबा, हयाब्यु राजमतीचा ! सं धासा कुलिकुलि मिखा धासा बांला बांला, सक्व:मि या म्ह्यामचा ला? ख्वा धासा तुयु ख्बा ख्वाले निग ति: दु: त:हननिया राजमतीचा ! खें खोला द्याक्बे द, पस: बजी धु: दं, राजमति बुलुसुलु दं राजमती गन दु ? ईतुंबाले छम्ह दु, हयाब्यू राजमतीचा ! न्हापा: वम्ह तरिथकुं, लिपा: वम्ह चिरिथकुं, बया लिपा राजमतीचा तरिथकुं मय जित चिरिथकुं मिले मजु, राजमति ब्याहा याना ब्यू तरिथकुंया ताय दु, चिरिथकुंया पाए दु, राजमतिया बिचा कने दु बिचा कने मदु:म्ह क:ला जित मय बुबा, हयाब्यू राजमति चा ! थहने या थंहिति, कोहनेया कोहिति, बिचे ला:क: मरुहिति मरुहिति ल: कावना तचो ल्वोहते लुफींहाना राजामति थस:पाल न्हा तिसं नं तिहेका, गुजराती (?) पुहेका राजामति ब्याहा याना ब्यु राजामति बिल धासा काशी बने मखु बुबा हयाब्यु राजमतीचा ! चण्डालम्ह: लमीं यानां म्हा: म्हा: धायक बिया: छ्वत लात मखुला संझ्या मदुगु छें धिक्कार जनम, राजमतीया करम बैसे भात: मदुम्ह ! च्वमी: दूर्गालाल श्रेष्ठ