Posted by: samiksya December 20, 2006
Login in to Rate this Post:
0
?
किनकी म तिमीलाई माया गर्छु !
---------------------------------
बोली बन्द भए यता
म तिम्रो आबाज बन्दै आएको छु !
सम भोगका कुराहरु छाड,
म माथी भई आएका
हमला गर्न घाईते हुंदा पनि
म तिम्रो हात समाई रहेको छु !
च्यातिएका कुम र कुहिना टाल्न
तिमीले टालो ल्याउन ढिला गर्यौ
र आसक्त नजरहरुलाई
मेरा अङ्ग चियाउने मौका दियौ !
म तिम्रो निम्ति लाज पचाउदै आएको छु !
मैले बुझेको तिम्रो परिस्थिती
कमजोरी, गरिबी, मनस्थिति भन्दा
भिन्दै नियत निस्कदै थिए !
अनि तिमी मबाट उठेका
केबल सतहका आकारहरु मात्र हेर्न चाह्यौ,
गहिराईका भावहरु केहि सुन्न नचाहदा पनि,
म आँखा चिम्लेर सहर्ष
समर्पण गरि रहेको छु सर्बाङ्ग !
र आबश्यकताहरु सबै नकारेर
म तिमी सित छु हमेसा दङ्ग,
किनकी म तिमीलाई माया गर्छु !
(समरभिल, म्यासाच्यूस॓ट्स)