Posted by: krk_nepali December 13, 2006
Login in to Rate this Post:
0
?
मैले शिव प्रकाशको हास्यब्यङ्ग्य संग्रह गोलमालको समीक्षा पनि लेखेको थिए । गोलमालमा उनले जीवका दुःख र पीडाहरुलाई अनि घरदेश छोडेर परदेशमा बस्दा भोग्नु परेका कष्ठ र कठिनाइहरुलाई कलात्मक ढंगले हास्यमा उतारका छन् । वास्तवमा पीडालाई हास्यमा उतार्नु सजिलो पनि छैन । यस्तै यस्तै कविताहरुको संग्रह गोलमालभित्रका कविताहरु क्रमशः यहाँ प्रस्तुत गर्ने जमर्को गरेको छु । आशा छ श्रद्धेय पाठकहरुबाट लेखकले न्यायो माया र हौसला पाउँने छ । साथै स्वस्थ र सभ्य प्रतिकृया सधैं मननीय पनि हुनेछ – समीक्षक ।
लभ-लेटर !
शिव प्रकाश
आदरणीय बूढी तिम्लाई
सादर स्यालूट छ
मलाई लाग्छ हाम्रो माया-पिरती
अझै भ्यालिड छ ।
धेरै वर्ष पिछ
बोष्टन सिटीबाट यौटा
लभ-लेटर लेख्दैछु
तिमी बिना भुङ्रो जस्तो
रन्किएको मेरो मन
हरिया डलरले अझै सेक्दैछु ।
के भनौ तिम्लाई बूढी
स्याप्पै सुक्यो
नेपालको त्यो मेरो भुँडी,
तालु खुइलिएर
आलु जस्तो भैसक्यो
गिरिनकाडको आशै आशमा
आधा उमेर यहीँ गैसक्यो ।
सुन बुढी !
गिरिनकार्ड पाए पछि
लौरो किनी ल्याउँछु
राम्रो डाक्टर खोजिकन
आँखा जचाउँछु
एक हातमा लौरो टेकी
अर्को हातमा झोली बोकी
एयरपोर्टमा तिमीलाइ भेटौंला
भेटेपछि आपसमा
माया-पिरती फेरि गासौला ।
अर्को कुरा
साथीभाइले भन्थे बूढी
अम्रिकामा सबै काम
कम्प्युटरले गर्छ
जुनसुकै काम पनि
आजको भोलि हुन्छ
तर यो सबै
बकम्फुसे कुरामात्र रैछ
के एत्रा ! हुन्थ्यो, भुत्रा ! हुन्थ्यो,
हुने भए त्यो गिरिनकार्डु भन्ने
प्लाष्टिककको पाप्रो छाप्न
किन पाँच-सात वर्ष लाग्थ्यो !
एउटा कुरा बुझ मेरी
परान पियारी
केही वर्ष पर्ख अझै
दायाँ-बायाँ गडबड नगरी ।
फेब्रुअरी ५ २००५ बोष्टन/अमेरिका ।