ओहो मिस्टे! निन्द्रा लागेन कि कसो?? देउसी खेल्ने भनेको, पहिले हिजो भैलोको पैसा बाडीचुडी गरिसकुम अनि देउसी नि खेल्ने हो। हिजो निकै पैसा उठेको जस्तो मान्छु मैले। खूब राम्ररी नाचेका थिए क्यारे तितौरी, ठुली, इन्द्रेणीहरुले। त्यस्मा फेरि जिम्माल बा ले त्यो नया निस्केको गाना गाउँछु भनेर हैरान। पून्टे दाईले सुनाइदिनुभएछ नया आएको गाना भनेर। त्यहि गाना कन्ठ पार्दै हुनुहुन्थ्यो। आज राती देउसीमा त्यहि गाना गाउने रे!