गाम्ले जति कता मोरेचन्? आजभोलि भउते काजी त बेपत्ता छन् नि! जुरेलीका गुंडाँ पसेसी हराए यिनी त। यस्तै र'च यो संसार, जमुनीका गुँडाँ पसे देखुन् बेपत्ता भ'को सिरे हराको हरै भो, अब भउते पनि त्यस्तै त होला नि! यो गुँड भन्नी चीज पनि यस्तै र'च! ल हेर चौतारीको गति! पिङ हालेर के काम खेल्ने मुन्छे नभ'सी? पिङ आफैँ मच्चिने हैन क्यारे! यो पिङ सिङ काटेर बाल्दिन्छु म कसैले पनि नेखेल्नी भ'सी! कैले कता ग'छ? अस्ति यो पिङको बाँस बालेर भैँसीको मासु पोलेर खान्छु भन्थ्यो। लैजा कैले, लैजा, तर भैँसीको मासु चैं धेरै नखानु, फेरि लाग्ला हैजा!