Posted by: Birkhe_Maila August 5, 2006
Login in to Rate this Post:
0
?
एउटा सानो टुक्रा-
तरंग-
कुनै सात्विक, सेतो,
सुतीको सफा, नरम वस्त्र,
झिनो हावाले
फिर फिर हल्लाए झैँ;
कुनै शान्त,
तलाउको कन्चन पानीमा,
भर्खरै झरेको पातले,
साना मिठा लहरहरु जन्माए झैँ;
कुनै डाँडाको टाकुराबाट
तल बेँशि नियाल्दा,
चिसो हावाले
सम्पूर्ण शरीर झनझनाए झैँ;
लामो निँद्रापछि
बिहान सखारै,
पर कतै रुखमा,
कुनै पंक्षिको मिठो स्वरले
निंद्रा बिथोले झैँ;
मेरो अस्तित्वमा,
एक मिठो कम्पन हुन्छ;
जब अलिक झुकेर,
नहेरेको जस्तो गरि
एक पटक पुलुक्क हेरेर,
तिमिले तिम्रा केशरासी,
मुहार बाट पन्छाउँछौ!!