Posted by: rhishi May 7, 2006
Login in to Rate this Post:
0
?
नेता हो ! खबरदार !!
जाली त्यो दरवारको छतमुनी षड्यन्त्र नाना थरी
बुन्दै, हे जन हो ! कयूँ सतक ता बिते गए सत्वरी ।
जन्मे नृप अनेक राज - कुलमा रैती त भोकै रहे
स्वामी भै जनको लुटे मुलुकको बैभभ्य सारा हरे ॥
मिथ्या ती बहुतै गरी सपथ औ आशा जगाई कन
सत्तामा पहुचीं तिनै जनकले खोसेर सोसे तन
कैल्यै माड अहो मिलेन ! जगका भोका ता भोकै रहे
नांगा कामिरहे मिलेन कपडा स्वामी धनी भै रहे ॥
बच्चा के बिधवा, बुढा, युवक या आशक्त प्रजा सब-
बग्थे श्रमिकका पसानी तर ती लागे उँभो नै कब ?
रोटी औ कपडा र वास - थलको जोहो हुँदा मुश्किल
निर्धा हेरु जली रहे सबल ता मोटाउँथे हर् पल ॥
त्यस्तो ब्याल परम्परा मुलुकको च्यातेर फालीकन
लक्ष्य त्यो अब ता समान हकको चौतर्फि फैंलाउँन
कालो बादल त्यो अचेत - पनको च्यातेर मिल्काउँदै
फाँडी घोर – घना बिषाक्त जगको दुर्मेष पन्छ्याउँदै-
ब्युँझे ती जनता लिई सलिल झैं सैलाव इन्क्लावको
मन्त्र - क्रान्ति लिएर, शान्ति पथमा सातो हरे भ्रान्तको ॥
मौका एक अमोल आज अहिले मिल्दो भयो सिर्जन
जन्ताको बलमा अहो ! मुलुक यो सद्मार्गमा लम्कन ॥
नेता हो ! अब लौ ! लिईकन छिटै संकल्प उन्नतिको
त्यागी मोह सबै मतान्ध नबनी, फड्को नया युगको
मार्नै पर्दछ आज ! यत्ति तिमिले बुझ्नै सकेनौं भने
लक्ष्य त्यो जन - तन्त्र ! भेदन यदी गर्नै सकेनौ भने-
कालो त्यो इतिहासको सगरमा, बुझ्यौ ! खल-पात्र भै-
कोरिन्छौ । जनको महा - सकटको गाली हुनेछौ कठै ॥
भन्नेछन् नव सन्तती सब यहाँ नेता नपुंशक् थिए
जन्ता कै बलमा बढे तर पनि धोका तिनैले दिए ॥
अस्तु ॥