Posted by: surendras March 3, 2006
Login in to Rate this Post:
0
?
गुरुहरु नेपे, शिरीष अनि बिर्खे माइला ज्यू मेरो पनि एउटा प्रयास है। बहर त मिलाउन बाँकि नै छ, अन्य पनि मिलाउनु पर्ने भए कृपा गरि औल्याइदिउँ ल।
चोटको के कुरा, घाँटिमा अड्केको जहर बाँकि छ
शास रहदै ऊनिलाई भट्ने रहर बाँकि छ ।।१
होस्टेमा हैंसे गरौं ल साथीहरु, जोड लगाऔ
गणतन्त्रको झण्डा फहराउन एक प्रहर बाँकि छ ।।२
भत्क्यो रे दरबार पनि पुरातात्विक त्यो संरचना
म जन्मेको गाउँको न ठेगान न ठहर बाँकि छ ।।३
सात दल मिल वा बाह्र बुँदे सहमति हर
निरंकुशता हुत्याउने सुनामि लहर बाँकि छ।।४
ढाडमा टेकि टाउकोमा हान्ने रे अब, किनकि
भत्काउनलाइ अलिकति शहर बाँकि छ ।।५
भाग्ने भए भागे हुन्छ, नभए भगाउने छन्
मात्र एउटै उपाय निर्वासनको डहर* बाँकि छ ।।६
(डहर=गाउँ-घर तिर गाई-बस्तुलाई निकास दिन बार लगाएर बनाईने साँघुरो बाटो)
१९ फाल्गुन,२०६२
सिड्नी