Posted by: Birkhe_Maila February 21, 2006
Login in to Rate this Post:
0 
? 
?
यसपालि रोपाईँ होला त?
ब्याडमै सुकेर मरे भनिएका
बेर्नाहरु,
झरीको खोजिमा
ब्याडबाट उखेलिएर
सुरुसुरु हिँड्न थाल्दा,
कुलो फर्काऊने राक्षसको
हंसले ठाउँ छोड्छ
र आत्तिएर बिरौटाभरि
डँढेलो लगाउने,
असफल प्रयास गर्छ!
अनि सबै डढे भनेर एकछिन ढुक्क हुन्छ।
फेरि अर्को तिर हेर्छ-
ऊसले झार सम्झिएका
साना, झिना, मसिना
त्यान्द्राहरु पनि हुल बाँधेर
यतै आइरहेका, असारकै खोजिमा।
राक्षसले फेरि अर्को अगुल्टो फाल्छ।
तर मुर्खले थाहा पाउँदैन
कि उसैले पानी तर्काएर,
बिरुवा सुकाएर, र अहिले
डँढेको सल्काएर ठुलो भुल गरेको छ।
अहिले उसको चारैतिर,
त्यहि डँढेलो हुर्हुर गरेर बल्दैछ
र तिव्र बेगले ऊ तिर बढ्दैछ!!
यो सबै हुँदै गर्दा
बेर्नाहरुबिच खासखुस चल्दै थियो
के यसपालि असारे गित घन्केला त?