Posted by: shirish January 16, 2006
Login in to Rate this Post:
0
?
धन्यवाद गौतम जी
केहि परिवर्तन गर्दैछु....
उनका चीसा गोठ र छिडि तताउन
मेरो कोठाको दलीन बालेको हेर्दैछु !
(रगत उम्लिएर बाफिएको सिन्दूर र)
रगत पोखीएर फिक्का भा’को सिन्दूर र
निर्दोष नाडीका चूराहरु फुटेको हेर्दैछु !
एउटै धटना काफी थियो पछुताउन
अनगिन्ती गल्तीको माला बुनेको हेर्दैछु !
अब तपाईको गजल बारेमा
सरसर्ति पढ्दा गजल राम्रो लाग्यो तर कतै कतै
तपाईलाई पनि मेरै जस्तै कमजोरिले पछ्याएको भान भयो, कमकेकम मलाई !
धेरै निक्ले आफैँलाई बेच्न सक्ने दासहरु
पसेछन् कि? मन्दिरबाटै शुरु ब्यापार भो!
(पसेछन् कि? मन्दिरभित्रै शुरु बजार भो!)
यो शेरमा ! भन्न खोजिया कुरा बुझिन्छ तर अझ प्रष्ट पार्नु पर्ला जस्तो लाग्छ मलाई !
अब काफीयाको कुरा
'विचार' भो!
प्रचार भो!
हजार भो?!
उपचार भो?!
ब्यापार भो!
चार भो!
तकनिकि कुरामा म ता यस्ता काफियाको प्रयोगमा कुनै द्वेष देख्दिन ! यी सबले भिन्दा भिन्दै माने बोकेका छन् ! (अचेल नेपालबाट दुई दर्जन गजलका किताब मगाएर पढ्दै गरेको छु र त्यसमा भूमीका लेख्ने गजलकारहरु (अग्रज त होलान् नि) लाई चाही यस्तो दोह-याएको चित्त नबुझ्दो रै’छ ! अनुभबको कमी भन्दा रैछन् र म पनि आफ्नो हेरेको त थुप्रै पो कमी रै’छन् गांठे !
तपाईको अनुप्राश rhyming “आर’ प्रष्ट छन् तर मतलाका “चार” ले गर्दा काफीया नै चार हुन् कि भन्ने भान पर्दो हो ! ऊनीहरुका कुरा सुन्ने हो भने चेन्ज गरे हुन्छ नभए पनि गल्ति चांहि छैन !