जूकाले पूरै शरिर नापेको हेर्दैछु ! आफ्नै घर बिस्तारै भत्केको हेर्दैछु ! आंखा नै भुईंचालोको केन्द्र भएर होला आकाश चिरा परेर चर्केको हेर्दैछु ! सुखद भबिष्य निम्ति बिद्रोह जारि छ, जन्मदै बालकहरु अनाथ बनेको हेर्दैछु ! उनका चीसो गोठ र छिडिको सर्दी तातो पार्न मेरो दलीन बालेको हेर्दैछु ! अरुका छाया समेतले आक्रान्त पा-यो ग्रहणले आफूलाई छोपेको हेर्दैछु ! रगत उम्लियो यति कि बाफियो सिन्दूर नाडीका निर्दोष चूराहरु फुटेको हेर्दैछु ! रात हुन् या शिरिषको मनबाट एक पछि अर्को तारा खसेको हेर्दैछु !