Posted by: Gautam B. January 14, 2006
Login in to Rate this Post:
0
?
बिर्खेजीले बहुलाएको बेला भनेर माथि शायद पिएको बेलालाई भन्नु भएको होला। एक ताका मेरो जिन्दगीमा पनि बिजुली पानीको बाढी आएको थियो। साथमा चरम निराशा र एक्लोपनाको अनुभूति पनि थियो। अहिले त्यो क्षण सुदूर अतीतको सपना जस्तो लाग्छ। आज त्यै बेलामा लेखेको एउटा सानो टुक्रो राख्दैछु। यहि धागोमा माथि कतै टाँसिएको "सप्ताहान्तको साँझ" र यो एउटै समयका हुन्।
"जिन्दगीको अर्को उपलब्धि"
दिनभरि-
साथीहरुसंग भनिरहेँ,
"मेले पिउन छाडेँ!"
अथवा
"म अचेल
एकदम, एकदम, एकदम
कम पिउन थालेको छु!"
र सुत्नु अघि अचानक थाहा पाएँ
खाली शिशीहरुको मेरो संग्रहमा
एउटा अर्को 'फुच्चे बोतल' पनि थपिएछ;
शायद यो पनि-
जिन्दगीको अर्को उपलब्धि हो कि?